Pleno inverno e as iniciativas medioambientais non cesan na Costa da Morte. Mágoa que non sexan máis multidunarias, pero os 36 voluntarios que se achegaron ao Areal do Trece en Camariñas fixeron un traballo impresionante nesta xornada artellada polos grupos ambientalistas Mar de Fábula e Colectivo PX, coa colaboración do Concello de Camariñas.

Os voluntarios, ou "Guerreiros do Lixo", concentráronse no restaurante Ariño de Xaviña-Camariñas aben cedo pola mañá posteriormente partiron para a zona de Trece-Monte Branco, undos recunchos máis auténticos da Costa da Morte.

En total retiraron 60 sacos con 1.200 quilos de residuos divididos en dous grupos, os plásticos e outros materiais non biodegradables. O luns, operarios municipais recollerán os sacos para o seu transporte a Sogama.

Cómpre destacar que entre os voluntarios estaban o alcalde de Camariñas Manuel Valeriano Alonso e dous edís de grupo de goberno, Juan Carlos Canosa e Sergio Caamaño. Ademas, os promotores contaron coa colaboración da Demarcación de Costas e do Distrito Forestal de Vimianzo.

Máis limpezas

E non pararán aquí. Unha vez cada mes os dous colectivos teñen pensado realizar estas tarefas nas zonas de Nemiña, Tourinán, Traba de Laxe, Lobeiras, Carnota, Baldaio ou Barrañán, ao longo de todo o espazo protexido como LIC Costa da Morte

Novas relacionadas

• A Costa móllase polas súas praias.
• A veciñanza salva os areais.
• Limpeza Simultánea 2013: Limpando praias e conciencias.
• Plásticos que invanden areais.
• Loitando contra a invasión do plástico.
• Crebas en forma de tartaruga e chapapote en Fisterra.

Fonte

• Redacción de QPC ([email protected]).