O voluntariado de Mar de Fábula deixou algo máis limpos os castigados coídos de Camariñas

08:30 13/01/25
Facía a familia de Mar de Fábula o chamamento para a primeira limpeza voluntaria do ano, e unha decea de persoas achegáronse ao Castelo do Soberano para participar. O obxectivo, o desolador panorama dos Coídos de Camariñas, coídos con moita cantidade de lixo mariño agardaban por nos: maromas, boias das bateas, redes, moitas botellas de auga, de aceite, de deterxente, anacos de porexpan, plástico duro, polbeiras, nasas, etc...
En total, nun terreo dificultoso, esbaradizo e cheo de argazo, recolleron 11 sacos de 100L, orgullosos de deixar algo mellor unha zona tn castigada polo lixo mariño.
”Non é o noso lixo pero si é o noso planeta”, como di sempre a presidenta de Mar de Fábula, Virxinia Barros.