O acabado final da glorieta da rúa da Ponte será de adoquín e céspede artificial Os próximos días entrará en servizo a glorieta definitiva da rúa Ponte de Carballo tras o periodo de probas. Tal e como puideron comprobar onte o alcalde - Evencio Ferrero - e o concelleiro de Obras e Servizos - Luis Lamas-, os traballos xa están practicamente rematados. A glorieta quedará lixeiramente reducida para facilitar o tráfico de camións e autobuses, que disporán agora dun carril de circulación de seis metros de ancho. Ademais, en todo o perímetro da rotonda habilitarase unha franxa practicable de 1 metro de ancho, por se nalgún momento un vehículo precisa invadila para facer o xiro. O acabado final da glorieta será de adoquín e céspede artificial. O proxecto da rúa Ponte completarase coa sinalización horizontal e vertical, o pintado, a plantación de varias árbores e a instalación de mobiliario urbano, incluídos os novos bolardos aparcabicis. O obxectivo do concello de Carballo era que a obra estivese rematada para o San Xoán, e a empresa construcciones Vázquez y Reino vai cumprir con creces. Do mesmo xeito, na rúa Desiderio Varela tamén avanzan a moi bo ritmo os traballos, e por parte da empresa construcciones López Cao está previsto rematalos antes das festas. O concello de Carballo está a realizar nestas dúas vías un investimento de máis de 365.000 euros, procedentes do Plan de Aforro e Investimento (PAI) da Deputación da Coruña. Convenio Por outra banda, o alcalde de Carballo e o de Cabana - José Muíño - asinaron onte un convenio de colaboración para a utilización do tren turístico durante a celebración do Carballo por Etapas ao que se suman 19 locais.   Novas relacionadas

• As obras obrigan a cortar provisionalmente a rúa Desisderio Varela de Carballo
• Obras de Carballo: Pechada a rúa Ponte mentres a Desiderio Varela engalánase para San Xoán.
• Carballo adxudica as obras de reurbanización das rúas Desiderio Varela e Ponte
• Carballo mellora a accesibilidade nas contornas dos colexios San Luís Romero e A Cristina

Fonte

• Redacción QPC (info@quepasanacosta.com)
• Concello de Carballo