Axenda do FIOT para unha unha finde de humor e memoria
Se a primeira fin de semana de Festival Internacional de Outono de Teatro de Carballo FIOT tivo un nome claro, o de Pedro Brandariz, esta segunda os grandes protagonistas son Mofa e Befa, que cumplen 30 anos estreando unha coprodución do propio festival. Pirolíticos estréase hoxe venres 7 ás 21:00h no Auditorio do Pazo da Cultura, dando o pistoletazo de saída á programa de Sala, da que sairá o Premio do Público 2022.
Pero a finde trae moito máis, con propostas escénicas para os públicos e gustos máis diversos, onde non faltarán a diversión e a reflexión, o humor e a memoria. Na Rúa dos Contos chegan as "SEXperiencias en clave de humor".
Unha das citas máis singulares será arredor do formato ONDAFiot, que, a Escola do espectador nas ondas, que trae a Camilo Franco, Evaristo Calvo, Víctor Mosqueira, Tito Asorey e Xosé A. Touriñán. Un evento que será transmitido polo Diario Cultural da Radio Galega.
Tamén sábado 8 terá lugar a apertura do XII Ciclo OTNI (Obxecto Teatral Non Identificado), a liña de programación na que o público atopará as voces máis singulares do FIOT. Experimentación e innovación sen límites definen a proposta máis alternativa do festival, que comezará coa estrea en Galicia de ‘Beautiful Stranger’, da compañía navarra La Caja Flotante.
Ademais, o FIOT en ruta achegará o domingo 9 ao Centro Social de Verdillo ‘Facer Memoria’, de Berrobambán, na que a narradora e Xograresa de Outono Paula Carballeira recupera lembranzas de Carballo.
AXENDA FIOT VENRES 7 - MÉRCORES 12
Venres 7 de outubro
17.00 horas no Pazo da Cultura
Emisión en directo do Diario Cultural da Radio Galega.
19.30 horas na Praza do Concello
Teatro de Rúa | ‘Carman’, de Javier Ariza.
21.00 horas no Pazo da Cultura | Auditorio
Programa de Sala | ‘Pirolíticos’, de FIOT e Producións Teatrais Excéntricas. (ESTREA ABSOLUTA)
22.15 horas no Pazo da Cultura | Auditorio
En paralelo | Entrega do Premio Xograr de Outono 2022 a Evaristo Calvo (após a estrea de ‘Pirolíticos’).
Sábado 8 de outubro
13.00 horas no Pazo da Cultura | Salón Social
Onda FIOT | Escola do espectador nas ondas. Con Camilo Franco, Evaristo Calvo, Víctor Mosqueira, Tito Asorey e Xosé A. Touriñán.
20.30 horas no Pazo da Cultura | Auditorio
Programa de Sala | ‘Pirolíticos’, de FIOT e Producións Teatrais Excéntricas.
20.45 horas no Pazo da Cultura | Salón de actos
Ciclo OTNI | ‘Beautiful Stranger’, de La Caja Flotante. (ESTREA EN GALICIA)
23.00 horas no Mercado municipal
Rúa dos Contos | ‘SEXperiencias en clave de humor’, de Good Sex Maritxu (ESTREA EN GALICIA)
Domingo 9 de outubro
19.00 horas no Centro Social de Verdillo
FIOT en ruta | ‘Facer memoria’, de Berrobambán.
Mércores 12
19.00 horas no Centro Social de Ardaña
FIOT en ruta | ‘Esas cousas marabillosas’, de Empatía Teatro.
NOVAS do FIOT 22
- 31 anos do FIOT = 30 de Mofa e Befa
- O FIOT estreou a 31ª edición lembrando a Pedro Brandariz.
- A coprodución carballesa ‘Wombo Combo’ de Galeatro, exemplo da aposta polo talento local no FIOT,
- FIOT 22: Nace "Onda FIOT", un novo espazo web para as iniciativas de teatro sonoro.
- FIOT 22, Presentación: “O FIOT é moito máis que unha programación de espectáculos. É un motor para as artes escénicas galegas”.
- FIOT 2022: Leo Bassi será unha das estrellas da nova edición da FIOT.
Máis novas do FIOT
- Febreiro 22: O FIOT, entre os 10 eventos culturais máis relevantes de Galicia.
- 2021: Cigarreiras, de Contraproducións, gaña o Premio do Público do #FIOT30.
- 2021: A rúa ten vida no FIOT de Carballo
- 2020: A innovación do #FIOTenpausa achegou o teatro ás novas xeracións.
- 2019: As impresionantes cifras do FIOT, a maior oferta teatral de Galicia.
- FIOT 2018: O FIOT, o maior festival de teatro de Galicia, pecha cun 98% de ocupación achegándose á mocidade.
- Setembro 2018: O FIOT recibe o premio da Cultura Galega de Artes Escénicas.
- 2012: Leo Bassi e Pallasos en Rebeldía rompen o muro da desinformación en Corcubión.