Arrincou o FIOT, e fíxoo cunha fin de semana moi pensada para o público familiar, e unha emotiva homenaxe a Pedro Brandariz.

Na tarde do venres, a 31ª edición do Festival Internacional Outono de Teatro de Carballo abrñia o telón dende a Biblioteca Rego da Balsa, coa estrea absoluta do espectáculo infantil "Os contos de William Shakespeare", da compañía Pedras de Cartón, enmarcado no ciclo de narración oral Rúa dos Contos.
Ao remate, as familias desprazábanse para non perder fío e aproveitar os malabares que función de "Poi", da compañía D'es Tro, realizaba na praza do Concello cos trompos e demais elementos.

A estrea, coproducida polo propio festival, de “Wombo Combo”, da compañía carballesa Galeatro, foi unha das citas familiares tamén máis esperada pola organización.

Pero foi a do sábado, unha das noites máis especiais dos últimos tempos. A Gala en homenaxe a Pedro Brandariz xuntaba a unha ducia de artistas galegos. “Foi unha gala fermosa, con moita diversidade de propostas, con moito cariño, na que lembramos a Pedro en diferentes facetas, como algo moi especial para todos os asistentes”, explica Carmen Castro, a Directora artística do FIOT e técnica de Cultura de Carballo.
Isabel Risco e Fran Rei foron abrindo paso para que As fillas de Portaberta fixeran un espectáculo de danza, Antón Reixa un recital poético, Izquierdo Sisters tirase de improvisación, ea música de Pablo Diaz e Diana Sieira, ou as historias con Marta Iglesias, Tito Rober, Víctor Grande, e Caxoto.

Ademais do mercado, a fin de semana tamén se completou nos establecimentos de hostalería, “Volvemos aos bares”, recoñecía satisfeita Castro, que valou tamén a Gala de Improvisación de NOGA e a constitución da Asocición de Narradores Orais celebrada no marco do festival.

Esta semana volveremos traer a axenda.

NOVAS RELACIONADAS

• A coprodución carballesa ‘Wombo Combo’ de Galeatro, exemplo da aposta polo talento local no FIOT,
• FIOT 22: Nace "Onda FIOT", un novo espazo web para as iniciativas de teatro sonoro.
• FIOT 22, Presentación: “O FIOT é moito máis que unha programación de espectáculos. É un motor para as artes escénicas galegas”.
• FIOT 2022: Leo Bassi será unha das estrellas da nova edición da FIOT.
• Febreiro 22: O FIOT, entre os 10 eventos culturais máis relevantes de Galicia.
• 2021: Cigarreiras, de Contraproducións, gaña o Premio do Público do #FIOT30.
• 2021: A rúa ten vida no FIOT de Carballo
• 2020: A innovación do #FIOTenpausa achegou o teatro ás novas xeracións.
• 2019: As impresionantes cifras do FIOT, a maior oferta teatral de Galicia.
• FIOT 2018: O FIOT, o maior festival de teatro de Galicia, pecha cun 98% de ocupación achegándose á mocidade.
• Setembro 2018: O FIOT recibe o premio da Cultura Galega de Artes Escénicas.
• 2012: Leo Bassi e Pallasos en Rebeldía rompen o muro da desinformación en Corcubión.