Este pasado mediodía de venres 23 de novembro, os Bombeiros de Carballo desprazábanse ata o lugar de Pordiños, en Sísamo, Carballo, onde se rexistraba un incendio nun alpendre.

Corrían as 14:00h e o incendio tiña lugar nun lateral do alpendre onde as máquinas agrícolas que se atopan nesa zona están en lapas por completo. Ademais o lume xa afectara a cuberta que xa se atopaba colapsada.

Os Bombeiros extinguiron o lume declarado e protexeron un lateral do alpendre onde se atopaba un depósito de mil litros de gasóleo e no outro lado do alpendre se atopaban varias máquinas agrícolas estacionadas.

Na intervención ningunha persoa resultou ferida, só houbo danos materiais.