O pleno de Carballo aprobou os Orzamentos de 2021 coa abstención da oposición
Xa nos debullara o grupo de goberno a proposta do Orzamento Municipal de Carballo para 2021. Unha proposta pque foi aprobada onte no pleno telemático, cos votos a favor do BNG e as abstencións do resto dos grupos.
#PLENO
— carballo_gal (@carballo_gal) February 22, 2021
A corporación municipal vén de aprobar o orzamento para o 2021 (26.159.231€), cos votos a favor do BNG e as abstencións do resto dos grupos. A sesión, aínda que telemática, comezou cun minuto de silencio polas vítimas da COVID-19 ao que podes sumarte neste vídeo. pic.twitter.com/XueBiK1gDP
Para o PP, estas contas “o único que pon de manifesto é a falta de ideas e a ineficacia na xestión do BNG”. Así o aseguraba a súa voceira Paula Nogueira, que considera “incomprensible” que o executivo local presente a finais de febreiro do 2021.
“O único que fan é sacarse fotos, anunciar proxectos –Casa Social dos Mestres- e levar a cabo unha constante
maquillaxe que axude a disimular a súa falta de xestión”, dixo.
Pola súa parte, Andrés Eirís de TEGA lamenta que non haia videoacta e que dende "o goberno municipal non valore que profundicemos tanto nas partidas". Critica ademais que o goberno "non contestase á maioría das nosas preguntas". Apuntou ademais que "si pensamos que a Xunta o pode facer bastante mellor pero non creo que teña enquina a Carballo como sempre se están queixando os "choróns" deste grupo de goberno".