O concello de Carballo pavimentará proximamente un total de 15.142 metros cadrados Os proxectos de mellora da accesibilidade que se están a levar a cabo nas rúas Vila de Noia, Xúpiter, Barrio das Flores - aos que pronto se sumarán as reurbanizacións das rúas Ponte e Desiderio Varela e da contorna do CEIP San Luís Romero - complementarase cun investimento de preto de 50.000 euros na pavimentación doutras 17 vías urbanas. As obras serán executadas pola empresa Lancer Proyectos y Obras, que dispón de tres meses de prazo para levalas a cabo. Segundo Luis Lamas - concelleiro de Obras e Servizos -, as actuacións dividíronse en varios tipos en función do estado das vías, de xeito que nuns casos será preciso realizar un fresado previo ou rebacheo antes de aplicar a capa de rodadura. En total pavimentaranse 15.142 metros cadrados, en concreto na avenida do Ambulatorio e nas rúas Ramón y Cajal, Gregorio Marañón, Severo Ochoa, Luís Braille, Marte, Pintor Luís Seoane, Pan, Cervantes, contorna do edificio de Facenda, Manuel Regueira, Vila de Negreira, Estrela, Baños Vellos, Pontevedra, Névedas, María Barbeito, Ramón Cabanillas e no acceso á caldeira de biomasa. A actuación completarase coa sinalización horizontal.

Novas relacionadas

• Carballo adxudica as obras de reurbanización das rúas Desiderio Varela e Ponte
• Carballo mellora a accesibilidade nas contornas dos colexios San Luís Romero e A Cristina
• Habilitan un aparcamento anexo ao CEIP Gándara-Sofán
• Rematou superando espectativas a primeira fase de constitución dos 17 Consellos Parroquiais de Carballo
• 300 persoas xa forman parte dos Consellos Parroquais de Carballo.
• A metade das parroquias de Carballo xa teñen Consellos Parroquiais.
• Os pioneiros Consellos Parroquiais carballeses seguen formándose.
• Comezan as reunións en Ardaña e en Oza para a constitución dos Consellos Parroquiais.
• Agora/Ágora, unha proposta anónima de participación cidadá dende a Costa para o mundo electoral.

Fonte

• Redacción QPC ([email protected])
• Concello de Carballo