Un informe tecnico indica que a arbore estaba morta, o cal suponia un perigo A praza do concello de Carballo acaba de quedar sen outra das súas árbores emblemáticas. E xa van dúas en menos de un ano. Trátase dun ciprés, situado ao carón dos xogos infantís do xardín municipal, que tivo retirado despois de que un informe técnico indicase que a árbore estaba morta e podía supoñer un risco para os veciños e veciñas polo perigo que hai de que caia ou sexa derrubado polo vento, tal e como sucedeu con outro ciprés centenario do xardín o pasado inverno. Na tala da árbore participou a brigada municipal, os bombeiros, Protección Civil e a Policia Local O concelleiro de Obras - Luis Lamas - informa de que o ciprés será reemplazado no futuro por outra árbore - aínda está por determinar de que clase. Para levar a cabo os traballos foi preciso cortar ao tráfico un treito da rúa Desideria Varela así como o paso peatonal dunha ampla zona do xardín. Os traballos foron realizados pola brigada de Obras que contou co apoio dos Bombeiros, de Protección Civil e da Policía Local. Novas relacionadas

• A ciprés morto, carballo reposto
• Os vídeos do temporal de mar na Costa da Morte
• Unha forte tromba de auga anega ducias de comercios e garaxes na Costa da Morte
• O primeiro temporal do inverno deixa fortes refachos de vento e crebas nas praias

Fonte

• Redacción QPC ([email protected])
• Concello de Carballo