Novo recoñecemento estatal ao Concello de Carballo pola súa aposta de rexeneración e humanización do casco urbano. Desta volta, a Asociación Técnica para la Gestión de Residuos y Medio Ambiente (Ategrus) vén de anunciar que outorga un dos seus premios anuais (é a 18ª edición) ao municipio bergantiñán.

Carballo compartirá con Azuqueca de Henares (Castela-A Mancha) e Riba-Roja de Túria (Comunidade Valenciá), o premio Escoba de Plata para concellos de entre 20.001 a 50.000 habitantes. Un recoñecemento que valora “o proceso de transformación urbana, baseado na sustentabilidade, iniciada en 2004 para crear “unha cidade sostible, realizando en todo momento accións de concienciación, sempre da man da cidadanía.

A entrega da vasoira (o elemento máis básico usado na historia da limpeza) será o 15 de xuño en Madrid, onde tamén estarán representantes dos concellos de Vigo, A Coruña e Monforte de Lemos.

Novas relacionadas

• 40 rúas xa contan con plataforma única en Carballo.
• O libro “A vila do mañá” recolle as propostas da rapazada para mellorar Carballo.
• Os 18 km de sendas do proxecto Cicl-Ando Carballo, case listas para cambiar a fisionomía da vila.
• Febreiro 2020: Carballo exporta experiencia en medidas de mobilidade urbana.
• Setembro 2020: As bicis e o pedibús protagonistas no último día da Semana da Mobilidade de Carballo.
• Xuño 2020: Carballo, entre as 10 cidades europeas de menos de 100.000 habitantes con mellores prácticas ambientais.