Novas obras en Carballo que o luns aproba o POS
Está de obras Carballo, e ademais da nova rotonda da estrada de Razo, e as obras no parque infantil, o Concello terá o luns 25 de agosto ten lugar unha sesión ordinaria da Xunta de Goberno Local na que entre os principais puntos da orde do día será a adxudicación de varios traballos incluídos no Plan Provincial de Cooperación ás Obras e Servizos de Competencia Municipal 2014 (POS).
Así, a sesión inclúe a proposta de aprobación de adxudicación dos contratos administrativos de obras de "Ampliación e reparación en varios viais estruturantes das parroquias de Noicela, Lema, Oza, Bértoa, Sísamo e Goiáns do Concello de Carballo"; das obras de "Rebacheo e reparación en varios camiños das parroquias de Carballo e Sofán no Concello de Carballo"; e por último, das obras de "Construción de sobreanchos e mellora do firme en varios camiños das parroquias de Berdillo e Sofán no Concello de Carballo". No apartado de aprobación de expedientes de contratación a orde do día inclúe o contrato administrativo de servizos do "Programa de exercicio físico para maiores de 60 anos" do Concello de Carballo.
Nova rotonda
Se colledes a estrada de Razo e pasades pola zona do Centro Comercial de Carballo e da escola infantil As Landra, tede en conta que está en obras. Sons os traballos para a construción dunha glorieta que regulará o tráfico de vehículos na confluencia da Avenida de Razo e a Rúa Perú.
O obxectivo é mellorar a fluidez da circulación e a seguridade viaria durante todo o ano, pero especialmente no verán, coincidindo coa tempada de praias na que se produce unha maior intensidade de tráfico e unha maior confluencia de vehículos.
Este proxecto realízase con cargo á incorporación de arredor dun millón de euros do remanente de tesourería, unha cantidade que tamén servirá para o financiamento doutros proxectos, como a creación doutra glorieta na contorna do Fórum Carballo, na confluencia das rúas Xílgaro, Luís Braille, Emilio González López e Saturnino Cuíñas, unha zona de elevado tráfico dende a posta en marcha do Fórum.
Obras no Parque Infantil
Ademais, o Concello informa dos traballos de mellora realizados no parque de infantil da Praza da Cruz Vermella da capital municipal carballesa. Os traballos consistiron la colocación de caucho continuo en todo o espazo do parque e na substitución dos xogos infantís obsoletos e deteriorados por outros novos (como pode observarse na imaxe).
