Carballo e A Laracha son concellos pioneiros na instalación do colector marrón. O programa de reciclaxe da quinta fracción #Titesachave. Laracha xa o ten en marcha dende hai meses, e por Carballo están comezando con forza.

Xa son 480 familias e 80 grandes produtores os que participan no proxecto que arrincou esta semana coa instalación de 200 colectores de cor marrón en distintos puntos da zona urbana. As familias e produtores teñen a chave para abrilos e poder botar esa quinta fracción de residuos urbanos, que serán trasladados á nova planta de compostaxe de Sogama.

A intención é chegar a 2.000 familias, Calquera pode adherirse á proposta e recibir un kit (un caldeiro de 10 litros, tres atados de bolsas, un tríptico informativo e a chave) para comezar a axudar a coidar o noso medio ambiente. Poden preguntar no de luns a venres, de 10.00 a 14.00 horas, no local de Carballo Limpo; ou os xoves e os domingos de feira, de 10.30 a 13.30 horas, no stand da rúa Coruña.

A iniciativa “Ti tes a chave” vén complementar o programa de compostaxe doméstica que temos en marcha dende hai seis anos na zona rural e no que participan xa 342 familias.

Novas relacionadas

• Xullo 2020: A Laracha espalla o colector marrón da quinta fracción.
• Xullo 2020: 50 familias da Laracha xa teñen os seus composteiros.
• Maio 2020: A recollida selectiva da quinta fracción orgánica segue funcionando na Laracha e Carballo.
• Febreiro 2020: 400 familias e 41 empresas xa son usuarias do servizo de colector marrón de residuos orgánicos de Laracha.
• Febreiro 20: 1.200 laracheses dan uso ao Punto Limpo do Formigueiro.
• Xaneiro 20: A Laracha, xunto con Carballo, concellos pioneiros na implantación do colector marrón.