Segue medrando a incidencia do covid, sobre todo, nos Concellos da Laracha e Carballo, seguindo moi vixentes as cifras de onte. En calquera caso a Xunta e o Comité Clínico anunciaban nunha rolda de prensa este mércores que non hai novas restricións no mapa de concellos costeiros, qeu seguen en nivel baixo.

En calquera caso, o Conselleiro de Sanidade si anunciou que se volven instaurar, a partir do sábado, límites na hostalería, cun máximo de 10 persoas non convivintes na terraza e 6 no interior.
En canto ao ocio nocturno, a partir do vindeiro mércores terán que esixir certificado de vacinación ou pcr nas 72 horas anteriores os establecimentos en concellos en nivel alto, medio e medio baixo, tendo en conta unha nova fórmula corrixida da Incidencia acumulada, engadindo datos de hospitalización.

Mentres hoxe se leva a cabo un cribado na Laracha, o Sergas comunica a realización dun cribado en Carballo, onde se veñen detectando 44 casos nos últimos 7 días. Desenvolverase este mércores 14 de xullo no Centro de Saúde, e serán citados por SMS os 3.190 carballeses de entre 18 e 30 anos.

MÁIS NOVAS SOBRE O COVID

• 12-07-21: COVID: O Sergas anuncia un cribado entre a mocidade da Laracha ante o repunte de casos na comarca de Bergantiños .
• 07-07-21: COVID: Levantan as restricións en Carnota.
• 30-06-2021: COVID: Sitúan a Carnota no nivel alto de restricións mentres que Camariñas e Malpica volven ao baixo.
• 28-06-21: COVID: Realizan un cribado tralo gromo detectado en Carnota.
• 23-06-21: COVID: Camariñas e Malpica mantéñense no nivel medio de restricións.
• 16-06.21: Camariñas e Malpica, dous dos tres concellos en nivel medio
• 05-06-21: Falece unha muller de 67 anos no HVdX.
• 03-06-2021: COVID: A Costa enteira queda sen restricións mentres avanza a vacinación.
• 01-06-21: COVID: Falece unha muller de 94 anos no HVdX.