Un treito importante da rúa Vila de Negreira de Carballo carece de beirarrúas Despois da proposta da Polícia Local, o concello de Carballo vén de acometer a delimitación de áreas de tránsito peonil en ámbalas marxes da rúa Vila de Negreira xa que - ao igual que noutras áreas urbanas pendentes de desenvolvemento urbanístico - hai un treito importante que carece de beirarrúas. Agora os peóns dispoñen dun espazo que, no que se refire á normativa de tráfico, ten a mesma consideración ca unha beirarrúa. A mellora da seguridade na rúa Vila de Negreira, que ten tamén moito tráfico pesado, é un obxectivo prioritario para a Concellería de Planificación e Mobilidade Urbana, que xa no seu momento optou pola instalación de pasos de peóns elevados e de coxíns berlineses para intentar reducir a velocidade dos vehículos. Agora dá un paso máis coa delimitación de dúas zonas reservadas para os peóns a ámbolos lados da rúa, e que irán acompañadas da correspondente sinalización indicando a prohibición de aparcamento. A mellora da iluminación, e polo tanto da visibilidade, neses treitos sen urbanizar é outro dos obxectivos nos que está a traballar o goberno municipal de Carballo, para o cal precisa da colaboración dos propietarios do solo. Novas relacionadas

• As obras obrigan a cortar provisionalmente a rúa Desisderio Varela de Carballo
• Obras de Carballo: Pechada a rúa Ponte mentres a Desiderio Varela engalánase para San Xoán.
• Carballo adxudica as obras de reurbanización das rúas Desiderio Varela e Ponte
• Carballo mellora a accesibilidade nas contornas dos colexios San Luís Romero e A Cristina

Fonte

• Redacción QPC (info@quepasanacosta.com)
• Concello de Carballo