Xoves. 28.03.2024
El tiempo

Un detido por intrusión informática e estafa a unha empresa de Carballo

Garda Civil equipo estafas
Un detido por intrusión informática e estafa a unha empresa de Carballo

Un cidadán camerunés residente en Alcalá de Henares foi detido esta semana polo Equipo@ Coruña da Comandancia de Garda Civil da Coruña co apoio operativo da Brigada de Policía Xudicial da Policía Nacional. O detido está acusado de realizar unha estafa por valor de 40.000€ a unha empresa de Carballo no marco da compra dun vehículo (a empresa perdeu finalmente a metade).

A estaba realizárase polo co coñecido método da “factura”, consistente no “hackeo do ordenador da empresa, mediante un malware, co fin de coñecer as xestións que desenvolven con esa dirección, nome e cargo do usuario e correo electrónico, conseguindo así os datos financeiros confidenciales da compañía". Unha vez que obtiveron a información suplantaron a identidade dun responsable das operacións corporativas e tras iso empezaron a operar realizando distintos envíos de correos electrónicos ao contable da empresa, facéndose pasar por un proveedor habitual, e indicándolle un número de conta bancaria diferente á habitual onde debían de ingresar os abonos.

O equipo @Coruña trala investigación, puido determinar que o detido suplantaba a identidade dunha empresa de compraventa de vehículos, para enganar ás vítimas, facéndolles crer que pagaba as facturas á empresa suplantada, sendo realmente enviado o diñeiro a unha conta bancaria distinta.

Os 20.000€ tras entrar na conta bancaria “ponte” pasaban outras contas para posteriormente ser extraídos por parte do detido mediante presenza física en entidades bancarias e cajeros da zona de Madrid.
Ao detido constábanlle antecedentes por feitos delituosos por delitos contra o patrimonio, foi posto a disposición xudicial dos xulgados de Alcalá de Henares.

 

Comentarios