44 anos, máis de 16.000 días cotizados. Esa é a bagaxe de Elisa Carballido, a traballadora municipal que hoxe martes 30 de xaneiro se xubilaba.

Cunha marea de amizades, e de funcionarios locais, Elisa lembrou a marea de departamentos polos que pasou, e mesmo amosou aquela primeira nómina que cobrou en 1980.

Evencio Ferrero recordou a “excelente profesionalidade de Elisa, o seu querer facer as cousas sempre ben, e sempre querendo facer medrar a Carballo”.