Martes. 16.07.2024
El tiempo

Espiral Maior Foro acolle novas presentacións literarias

Presentacion Luis Lamela en Carballo
Espiral Maior Foro acolle novas presentacións literarias

Non para nin por verán de armar eventos Miguel Anxo Fernán Vello no Espiral Maior Foro. E esta semana vén cargada con doble cita.  

O mércores 3 de xullo, ás 20:00 h., o espazo sito na Rúa do Sol, 34, acolle o acto de presentación do libro “Los años de guerra y la prisión provincial de A Coruña. Memorias de un recluso: Domingo Quiroga Ríos”, do historiador corcubionés Luís Lamela, que estará acompañado polo filólogo e escritor Fernando Cabeza Quiles, a profesora e presidenta da ARMH Carmen García-Rodeja e o escritor e director de Espiral Maior Foro Miguel Anxo Fernán Vello.

E o xoves 4 de xullo, tamén ás 20:00 h., presentarase o libro “Tratado para ollomoles. Poemas visuais”, do que é autor o profesor e poeta malpicán Diego Cousillas. Para este acto contarase coa presenza do profesor, fotógrafo e escritor Alberto Pombo e do tamén escritor Miguel Anxo Fernán Vello.

Por outra banda, a exposición pictórica “Grammáticas e Iluminacións”, actualmente aberta ao público no espazo expositiv de Espiral Maior Foro con obra de Miguel Anxo Fernán Vello, amplía até o 14 de xullo o seu tempo de permanencia, coincidindo a súa clausura co remate da Feira do Libro de Carballo.

Comentarios