O sinistro tivo lugar ao redor das 11:00 horas. Imaxe: Bombeiros de Carballo Unha muller dus 50 anos de idade perdeu a vida esta mañá despois de que colidir o seu turismo contra outro. O sinistro tivo lugar ao redor das 11:00 horas pouco antes da panadería de Razo, na estrada de Razo a Arnados, no concello de Carballo.

Segundo a información facilitada ao 112 Galicia, a vítima viaxaba soa nun dos vehículos implicados, mentres que no outro turismo ían dúas persoas que resultaron ilesas.

Ata o lugar do sinistro desprazáronse os Bombeiros de Carballo, voluntarios de Protección Civil e axentes da Garda Civil de Tráfico tras a alerta do 112 Galicia. Pola súa banda, os profesionais do 061-Urxencias Sanitarias xa tiñan mobilizados os recursos de atención, pero nada puideron facer por salvar a vida da condutora.

Novas relacionadas https://quepasanacosta.gal/excarcelan-unha-muller-tras-un-accidente-entre-tres-furgonetas/ Fonte

• Redacción QPC (info@quepasanacosta.com)
• 112