Arrincaron as obras do Parque Infantil do Rego da Balsa. Un espazo que se convertirá nunha área de xogos relacionados do trolebús.

Faise no marco do proxecto "Carballo para a infancia", que afronta a súa segunda fase que tamén incluirá a ampliación do parque do Chorís e a renovación integral dos parques da Praza do Outeiro e do Rego da Balsa.

O Concello quere poñer en valor ese medio de transporte que comunicou Carballo e A Coruña desde 1950 ata 1971. O parque ofrecerá unha representación simplificada do territorio que abranguía a liña do trolebús, comezando pola férveda de Entrecruces e a central eléctrica impulsada por Enrique Sánchez, promotor anos despois da liña de trolebús.

Contará cun tobogán dobre de aceiro inoxidable que representará ás Férvedas de San Paio; terán tamén unha estrutura lonxitudinal que lembra a catenaria do trolebús, e tamén terá tirolina. Será nova e permitirá continuar o percorrido do trolebús ata o seu destino final: Carballo.

O proxecto foi adxudicado á empresa Jardinería Arce por 405.000 euros.