Os novos vehículos da Policía Local de Carballo están equipados con desfibriladores semiautomáticos (DESA), que permiten responder con rapidez ante unha emerxencia cardiaca. E para saber usalos correctamente os axentes participaron nun curso teórico-práctico de 4 horas sobre os fundamentos da reanimación cardiopulmonar e o manexo de desfibriladores.

Os axentes, así como outros 50 empregados municipais, xa están preparados para usar os equipos tamén que hai dispoñibles nas praias, nos pavillóns Carballo Calero e Vila de Noia, nos campos de fútbol municipais, ou no Pazo da Cultura.