Primeiro encontro do proxecto Somos Pandereiteiras
Vai collendo forma o proxecto Somos Pandeireteiras. Trala presentación oficial o pasado novembro en Carballo, este domingo 19 o Pazo da Cultura acolle a primeira actividade pública.
Será un encontro, para o que xa se esgotaron as prazas, que pretende abrir un espazo de reflexión para que as tocadoras aborden, en común, outras formas de vivir a música.
A xornada comezará ás 09.30 horas cunha benvida e presentación de Mercedes Peón e do grupo promotor que acompaña á investigadora na iniciativa. De seguido, Peón ofrecerá un relatorio no que exporá a motivación do encontro, o camiño que o grupo percorreu ata a celebración desta xornada e a metodoloxía que se seguirá ao Longo da mesma. De seguido, ás 10.30 horas, terá lugar unha conversa interxeracional de tocadoras, conducida pola xornalista e pandeireteira Selina Otero, que contará coa participación de Carmen de Lema, Ermitas do Ánxelo ou Icía Varela.
Logo dun breve descanso, contra ás 12.00 horas, desenvolveranse de xeito paralelo catro mesas de traballo nas que se debaterán, entre outras cuestións, o rol da pandeireta e da voz, a súa representación social ou a propia función social das tocadoras e das pandeireteiras.
Para as que non poidan asistir, todas as conclusións da xornada exporanse publicamente o mesmo día 19 e posteriormente na web www.somospandeireteiras.gal, grazas á colaboración das relatoras, o grupo de catro mulleres vinculadas á palabra que recollerán in situ o imaxinario e perspectivas das participantes: as poetas Ana Romaní, Susana Aris, Andrea Nunes e María Reimóndez.
Quen anda detrás de #SomosPandeireteiras? Vaino descubrindo aos poucos cos nosos vídeos.
— Somos Pandeireteiras (@Pandeireteiras) November 26, 2021
Hoxe: Mar da Bouzas das pandeireteiras Raigañas de Cerqueda pic.twitter.com/czSEvFlaL5
Rematamos as presentacións das impulsoras de #SomosPandeireteiras con @iciavarela2 (AC Raigañas de Cerqueda) que participará no 'Encontro interxeracional de tocadoras'@DACCultura @carballo_gal pic.twitter.com/j0KAqDhtVU
— Somos Pandeireteiras (@Pandeireteiras) December 12, 2021
