Continúa a Asociación Vieiro, dentro da súa Programación no ámbito da prevención familiar, espallando as máis que necesarias Escolas Familiares. Esas citas para que as familias aprendamos a solventar problemas vencellados coa crianza, abarcando asuntos como a disciplina positiva, a resolución de conflitos, a educación en igualdalde ou as problemáticas coas pantallas.

Esta semana a entidade estreaba dúas novas Escolas en Buño e Ponteceso, sen xa 9 os grupos formados:

• O CEIP Joaquín Rodríguez Otero de Buño de 16:30 a 18:00 horas.
• O CEIP Eduardo Pondal en Ponteceso de 18.30 a 20.00 horas, ambas semanais.
• O colexio familiar do CEIP de Zas os luns de 16:00 a 17:30 horas con periodicidade quincenal.
• O colexio CEIP Celso Emilio Ferreiro de A Silva, os luns quincenal de 19:00 a 20:30 horas.
• A escola familiar CEIP Nétoma Razo impártese no antigo colexio Nétoma-Razo os luns de 18:30 a 20:00 horas mensuais.
• O colexio CEIP Bergantiños de Carballo, os mércores de 16:00 a 17:30 horas semanalmente.
• A escola familiar que se imparte na Sede Vieiro (en Carballo) os mércores de 18.00 a 19.30 horas semanais.
• As escolas familiares que se imparten no CEIP Otero Pedrayo da Laracha os xoves, o primeiro grupo de 17:00 a 18:30 horas e o segundo de 18:30 a 20:00 horas. Ambos con prioridade quincenal.
• A escola familiar que se imparte na Sede Vieiro (en Carballo) os venres de 19:45 a 21:15 quincenal.

A duración das escolas estenderase ata o mes de maio. As sesións duran unha hora e media.

As profesionais encargadas de impartir estes centros son Miriam Romero Traba e Lara Rodríguez de las Heras.

Se alguén está interesado en asistir a algún centro educativo pode inscribirse chamando á Asociación Vieiro no 981756161 ou no WhatsApp 604075815, deixando o seu nome, teléfono e o centro educativo ao que desexa asistir.