Un dos esqueletos urbanísticos que permanecen dende hai décadas en Carballo será obxecto dunha nova remodelación, que permitirá a creación de 87 novas vivendas. A empresa Magari investments vén de anunciar a posta en marchar, a partir do ano que vén, das obras de remodelación do edificio situado na Avenida de Razo, promovido no seu día por Costa Nariga. A nova urbanización será chamada A Lagoa.

A posta á venda, a partir de 82.000€, xa está aberta a través de Incor Muebles.

O edificio ía formar parte dun plan urbanístico moito máis ambicioso, de preto de 800 vivendas, e de feito, xusto en fronte aínda quedan os restos doutro mamotreto dunha promoción de Riotorto.