Mércores. 30.11.2022
El tiempo

Rubén Lorenzo presentou a súa candidatura polo PP carballés

FOTO Presentacion PP Carballo CARBALLO
Rubén Lorenzo presentou a súa candidatura polo PP carballés

Presentaba onte nun ateigado auditorio do Pazo da Cultura, a súa candidatura á alcaldía de Carballo Rubén Lorenzo. Arroupado pola comitiva provincial do PP, co secretaria xeral do PPdeG, Paula Prado, e o presidente provincial, Diego Calvo, Rubén Lorenzo asegurou estar desexando chegar xa ás eleccións do vindeiro 28 de maio de 2023.

No se discurso puxo fincapé en que a “unión e ao traballo” son vía para conseguir que Carballo recupere a súa condición de cabeceira de comarca e “volva ser a locomotora que tira da Costa da Morte”. Criticou a existencia dese “mantra de conmigo ou contra min que marca a maneira de facer política do BNG en Carballo”. “Somos a única alternativa dun proxecto esgotado do BNG” e “imos buscar unha maioría para cambiar as cousas, para demostrar que se pode gobernar doutra maneira”.

“Temos que saír a por todas. Carballo é o do Partido Popular”, en referencia aos resultados nas Autonómicas, “e, por tanto, debemos convencer a toda esa xente de que o proxecto de Rubén Lorenzo é o mellor para poñer fin a unha etapa nacionalista que xa está caduca”, indicou Diego Calvo.

Foi Paula Padro a máis crítica co BNG. “Carballo leva 20 anos lastrado por un goberno do BNG que é o mellor exemplo do ‘non’ sistemático a todo e da contradición constante que caracterizan aos nacionalistas galegos”.

Protestas ás portas

traballadoras do SAF as portas do mitin do PP

Ás portas do Pazo da Cultura, as traballadoras do Servizo de Axuda no Fogar aproveitaron a presencia de mandatarios populares para continuar coas súas mobilizacións e esixir un convenio xusto.

comentarios