O pasado sábado, a asociación organizou un avistamento de aves dende o monte de Santo Hadrían de Malpica Un bo grupo de xente participou o pasado sábado no avistamento ornitolóxico dende o monte de santo Hadrián, en Malpica, organizado pola asociación ambiental Senda Nova. Álvaro Barros, doutor en bioloxía e membro da Sociedade Galega de Ornitoloxía, foi o encargado de guiar a actividade que se celebrou no eido dos actos conmemorativos do 70º aniversario da visita do prestixioso ornitólogo Francisco Bernis ás Illas Sisargas e dentro do programa de verán de Senda Nova. Os participantes tiveron a oportunidade de coñecer a historia de Malpica da man de Xosé Manuel Varela Os asistentes gozaron das explicacións de Álvaro Barros e de Xosé Manuel Varela, os cales fixeron un repaso da historia da vila e das illas, e foron adiantando información sobre o que ían obsevar. Os expertos explicaron a importancia que tivo a nivel científico a visita de Bernis anos atrás e toda a nova información  que se descubriu grazas ás súas dúas visitas á zona. O biólgo Álvaro Barros foi o encargado das explicacións durante o avistamento das aves Álvaro Barros e algúns participantes como Sergio París - membro tamén da SGO - contaron algunha das anécdotas escoitadas e experiencias vividas nas Illas Sisargas durante as  visitas e estudos das mesmas. Xa en Santo Hadrían, os participantes puideron observar a través dos prismáticos e telescopios diferentes as diferentes aves que frecuentan a zona: gaivotas, cormoráns, choias, mascatos pescandos,... acompañadas das explicacións de Álvaro Barros que axudaron a comprender o comportamento e os movementos de cada unha das especies. Durante a observación tamén houbo tempo para recordar outras especies que eran comúns na zona, tales como o arao, pero que por diferentes razóns xa non visitan o lugar. Próximas citas A programación do verán de Senda Nova continúa mañá xoves coa proxección do audiovisual "Hose quen baila?" - producido pola entidade ambiental - que terá lugar a partir das 21:30 hroas no local social de Rececindo. E xa o sábado, a cita será no Monte Neme para dende alí facer unha observación das perseidas guiada por Jorge Mira con roteiro nocturno incluído.   Máis información

• asociacion@sendanova.org
• Número de teléfono: 611 037 617
• www.sendanova.org

Novas relacionadas

• Senda Nova presenta as súas actividades de verán
• A 9ª Primavera en Ruta de Senda Nova entra na recta final
• Senda Nova estrea o documental “Hoxe quen baila”
• O río Anllóns deleita aos participantes da Primavera en Ruta de Senda Nova
• Senda Nova queda nas corredoiras por Primavera
• Senda Nova comproba os efectos da eucaliptización no Bosque da Ribeira da Pena.
• Senda Nova repasa as historias da aldea de Candelagho.
• Senda Nova percorre as Terras do Marqués.
• A Escola Ambiental de Senda Nova xa achega a natureza máis cercana a 25 rapaces de Bergantiños.
• Só Senda Nova se molla polos nosos ríos.
• 2017: 180 km de corredoiras para facer historia na Primavera en Ruta de Senda Nova.

 

Fonte

• Redacción de QPC (info@quepasanacosta.com).
• Senda Nova