Dez centros de estudos superiores participarán na I Feira das Universidades de Carballo, que se celebrará o martes 25 de febreiro no Fórum, entre as 10:00h e 14:00h.

Familias e estudantes (os tres centros públicos de secundaria de Carballo, os IES Monte Neme, Alfredo Brañas e Parga Pondal, xa teñen visitas concertadas, pero as familias tamén poderán achegarse se están interesadas) poderán acceder aos postos informativos de entidades como a U-tad (Universidad dre tecnología y arte digital), a UDC (Universidade da Coruña), USC (Universidade de Santiago de Compostela), Universidad Europea de Madrid, CSHG (Centro Superior de Hostalaría de Galicia), AFN (Escola de pilotos do Noroeste), Escola Superior Marcelo Macías da Coruña, Universidad de Navarra, e Universidad intercontinental de la empresa e Forzas Armadas.