Un ano máis, a Asociación Pedramar do Pindo artellaba unhas xornadas fantásticas arredor do Olimpo Celta. Unhas xornadas completas que mesturaron por 5º ano consecutivo sendeirismo, deporte, da historia, da música e da Gastronomía da Costa da Morte.

Así, o V Encontro Monte Pindo achegou a milleiros de persoas á Carnota. I é que as xornadas ten actividades para todos os gustos. Os amantes da historia e da arqueoloxía ateigaron o novo local da entidade sito no porto para a inauguración e as charlas de dous homes xa da casa, como son Tito Concheiro e Felipe Senén, que xa levan anos traendo saber ao Pindo. Ademais, os asistentes puideron degustar uns petiscos con produtos da casa.

Sábado natural

O sábado era o día onde a natureza tomaba protagonismo, con dúas subidas, unha máis arriscada e pelexada que a outra. Pola mañá, roteiro ata a Moa, con picnic, disfrute dun tempo espectacular e moitas historias. Pola tarde, deporte de aventura coa Galicia Máxica Trail Adventure.

De feito, esta Trail era unha das citas máis esperadas da fin de semana, pois foron mái de 300 os atletas chegados de todo o mundo para rubir como gacelas as rochas do Pindo. Máis de 20 quilómetros que partían da praia do Pindo para que un corredor de Bueu, Roberto Riobó Estévez, o gañador, tras máis de 2 horas de dura carreira.

A noite do sábado deixou unha bonita festa rachada, con sardiñada e verbena. Pero sen demasiada troula que o domingo volveu haber saída no María Elena de Cruceros Fisterra polas augas da zona.

Novas relacionadas

• O Pindo botou outra ollada ao seu mar cunhas doces e poéticas Xornadas.
• IV Encontro Monte Pindo: Un millar de persoas encontráronse no Monte Pindo.
• III Encontro Monte Pindo: O Monte Pindo disfrutou dun Encontro con historia, música, gastronomía e deporte.
• II Encontro Monte Pindo: A Pedramar achegou o Monte ao Pindo.
• II Simposium Monte Pindo: Por que temos que coidar o Monte Pindo?.

Fonte

• Redacción de QPC ([email protected]).