Xa está todo preparado en Carnota para que chegue o Entroido. O concello vén de dar a coñecer o programa de actividades que se desenvolverán durante estas esperadas datas. As celebracións comezan xa o venres, 9 de febreiro, cunha festa de disfraces que terá lugar entre as 17 e as 20 horas no pavillón de Carnota. Alí haberá inchables, pintacaras e incluso unha discoteca móbil. Xa o luns, día 12, haberá un obradoiro de máscaras, con monitores especializados na materia, e que se desenvolverá entre as 11 e as 13 horas, na casa consistorial. E o mércores, día 14, haberá unha sesión de xogos deportivos con Fernando dirixido a nenos e nenas de 6 a 12 anos. Para participar é necesario anotarse e a actividade será de 11 a 13 horas no pavillón de Lamas de Castelo. Centro Social de Cee Pola súa banda, o centro social de Cee - que depende da Consellería de Presidencia, Benestar, Igualdade e Emprego - organiza para venres 9 de febreiro un baile de entroido no centro, que comeza ás 18:30  horas. Ademais de bailar, os asistentes degustarán productos típicos destas datas e participarán no sorteo dunha cesta de entroido. Novas relacionadas

• Máis Entroido en Zas
• Os clásicos do Entroido xa “quentan” en Malpica
• O Enterro do Percebe DollarTrump, o cumio do Entroido muxián
• Carnota prepara un entroido moi regueifeiro
• Cee reparte 4.5000 euros entre os mellores disfraces
• O Entroido de Baiñas quenta motores
• O Entroido de Fisterra xa ten cartel

Fonte

• Redacción QPC (info@quepasanacosta.com)
• Concello de Carnota