Carnota fai balance do verán e prepara a Carreira das Areas
11:22 18/08/11
Xa informamos hai varias semanas da apertura do prazo de inscrición da Carreira das Areas. Pois ben, achégase a data. A cita desenvolverase o vindeiro sábado, 20 de agosto.
Pero non é a única actividade organizada polo Concello para o que resta de verán, xa que esta fin de semana tamén vaise celebrar o Circuito de Fútbol Praia comarcal, da man da Asociación Ingüeiro e na praia de Lariño. Tamén queda unha excursión ao Aquapark de Cerceda, o día 25, e xa no mes de setembro, tomarán o relevo as actividades de inverno.
Balance
Dende o Concello de Carnota, e máis concretamente dende a Concellería de Cultura e Deportes, fixeron un balance moi positivo das actividades desenvolvidas nos últimos meses dentro do verán cultural e deportivo.
Probas de trial para o Campionato Galego, festas de fin de curso, cursos náuticos, subidas ao Monte Pindo, campamento urbán, ou o Torneo de Tenis, constituiron as actividades artelladas polo Concello nas últimas semanas.
Novas relacionadas
- Quilmas erixiuse vencedora en Carnota.
- Carnota abre o prazo de inscrición para a Carreira das Areas.
- Pechou o Torneo de Tenis de Carnota.
- Carnota celebrará o seu IV Torneo de Tenis.
Fonte
- Nota de prensa do Concello de Carnota.