Coa primavera comezan as citas co sendeirismo
Canta falta facía que Lorenzo nos secase un pouco… E nótase que a xente ten gañas de sol, e de disfrutar da natureza, pois foron saír os primeiros raios e fixéronse públicas unha chea de convocatorias para diferentes rutas de Sendeirismo. Ponteceso, O Pindo, Cee ou Malpica son os destinos para estas vindeiras datas.
Ademais, para esta fin de semana, Meteogalicia apuran uns días ben soleados.
Andaina por Ponteceso
A estrea témola este sábado 20, coa a primeira das 5 Andainas proxectadas por 5 concellos. Toca Ponteceso, e a ruta partirá da Praza do Recheo ás 10:00h para percorrer os 11 km da ruta ata Corme, con parada na praia de Valarés. Antes de comer, a ruta estará rematada.
Xornada de limpeza na Praia do Pindo
Non implica sendeirismo directamente, pero engadimos aquí a chamada da ACDR Pedramar do Pindo, para que os veciños participen na sesión voluntaria de limpeza da praia de San Pedro. Un xeito de manter limpas as nosas praias e poder disfrutalas como é debido.
A cita, este sábado 20 entre as 10:00h e as 12:00h.
Subida ao Pindo
Para o domingo 21 propoñen unha subida ao Monte Pindo polo Roteiro das Peixeiras. A convocatoria está prantexada para as 16:00h, e subirase polo camiño que hai ao carón da ponte cara Portela Ventosa, baixando ata o camiño que vai de Peñafiel ao Fieiro.
1ª etapa do Camiño dos Faros
Esta xa é para o domingo 28 de abril, e a brava xente que está a promocionar Camiño dos Faros abren as portas para que todos os que queiran poidan disfrutar, con eles, desta 1ª Etapa que une Malpica e Niñóns (22 Km). A saída de Malpica, da Cafetería Santiago Apóstol, será ás 9:30h, para chegar ao lugar de Niñós arredor das 18:30h.
Farán paradas na praia de Beo e de en Punta Nariga, disfrutando, por suposto, dunha paisaxe a cada paso".
II Roteiro As Neves - Cee- Estorde
Despois do éxito acadado no I Roteiro polo Camiño no Concello de Cee, a Concellería de Cultura, Educación e Deportes organiza unha segunda edición, desta vez percorrendo o tramo que vai desde a ermida das Neves ata Estorde, para o sábado 4 de maio a partir das 16.30 horas. O prazo para anotarse estará aberto ata o 29 deste mes de abril.
Máis información
Novas relacionadas
- 2013: 5 Andainas por Ponteceso, Muxía, Vimianzo, Corcubión e Camariñas para coñecer a Costa da Morte a través do sendeirismo.
- Percorrendo a pé, e con Traski, o Camiño dos Faros da Costa da Morte.
- Javier Couto: “O turista cada día é máis esixente, e cada vez pide máis sendeirismo”.
- Vertebrando a Costa a pé.
- Os Camiños do Mar lévannos a Ponteceso.
- Xeocaching: En busca do tesouro agochado.
- Facendo cumio do Roteiro das Peixeiras do Monte Pindo.
- Roteiros homologados na Costa da Morte?.
Fonte
- Redacción de QPC ([email protected]).
