Esta noite de luns, os Bombeiros de Cee e do Ges de Muros acodían a sufocar un incendio nunha vivenda de Lira, Carnota.

Dúas persoas tiveron que ser rescatadas polos servizos de emerxencia, sendo trasladadas na ambulancia do 061 ao Hospital de referencia con queimaduras graves. O suceso aconteceu por unha explosión de gasolina mentres manipulaban unha desbrozadora. 

O lume resultante afectou á entrada da casa e á habitación na que se refuxiou unha das persoas, e o GES de Muros encargouse de atallar as lapas. Tamén participaron no operativo Policía Local, Prot. Civil e Garda Civil.