Son dúas das escolas de músicas máis activas da comarca. Sempre vinculadas facendo que a comarca sexa unha auténtica potencia. Aí están as numerosas bandas de música saídas das terras de Carnota e de Muros, aí sobreviven iniciativas como a Sala Nasmo e nacen proxectos como #MúsicosdoPobo.

Iniciativas que non serían unha realidade sen a primeira pata, a da formación. E aí é onde as Escolas de Música de Carnota e Muros teñen a súa radical importancia. A de Muros forma uns 80 alumn@s entre Muros e Esteiro (teñen dúas bases), e contan coa Nasmo como complemento; mentres que a de Carnota é toda unha potencia en calidade e cantidade de alumnado: 170.

Alianza Uhia, muradá e directora da ESMU carnotá, recoñece que “boa parte da rapazada do grupos que saen de Muros, os tivemos nós de alumnos: The Rapants (2 deles foron nosos), Trapos Sucios, Pintura Plástica, Almánimal, Evil Bastard, etc, etc… O malo é que Carnota non ten unha sala Nasmo para que saian grupos aquí onde podan ensaiar e gravar, pero as bases da súa formación foise facendo dende aquí”, explica.

As conexións son continuas. Este mes, de feito, a ESMU está desenvolvendo unhas Masterclass de gravacións e mezclas caseiras para adolescentes e adultos, impartidas precisamente por Juan da Nasmo, nas que hai 19 persoas apuntadas.

Todo este caldo de cultivo fai que os directores de ambas entidades, Alianza e César, se poñan a traballar xuntos, coa intención de seguir facendo canteira. E aí foi cando xorde esta xornada de convivencia.

Juan Figueiras, da Nasmo, facendo a masterclass na ESMU de Carnota

Xornada de convivencia

Neste marco, o vindeiro sábado 6 de abril as Escolas de música municipais de Muros e Carnota celebrarán unha xornada de convivencia entre o seu alumnado. Este día, uns 40 rapaces e rapazas, de 12 a 16 anos, acompañados polos mestres/as da ESMU de Carnota desprazaranse dende Carnota ata Muros en bus sobre as 11:30 h, para facer a presentación e realizar diferentes xogos musicais.

Sobre as 14:00h os máis de 80 rapaces/as irán a un restaurante muradán a xantar, e logo, poranse rumbo á Casa da Cultura para preparar o festival que se levará a cabo no auditorio ás 17:00h. Haberá de todo, candións modernas, pianos solistas, orquesta, música tradicional, clásica…

Un concerto de entrada libre e de balde, aberto a todas aquelas persoas que queiranver e gozar da música que se fai nestas dúas Escolas.

Novas relacionadas

• #MúsicosdoPobo, o novo proxecto musicosocial que tece Muros.
• Juan Figueiras: “A Sala Nasmo son os músicos”.

Máis novas musiqueiras

• The Rapants saen de Xira Capital: “As frases pegadizas e os bailes esperpénticos son o noso sello de identidade”.
• ”A Sala Nasmo é un servizo crucial para o nacemento de bandas como Deleiba.
• Chejar e encher, xa na rúa o primeiro disco da banda muradá Lisdexia.
• As bandas muradás Lisdexia e The Rapants gradúanse con Teen Records.
• A combativa banda de rock en galego Almánimal presenta o seu primeiro EP.
• A Bisicleta, outro hit da factoria #SalaNasmo.
• RqR, unha fusión musical muradá entre o bonito e o duro de roer.
• Despaciño, o novo éxito de Arguzu Vevo.
• A Bisicleta, outro hit da factoria #SalaNasmo.
• 2015: Terbutalina, Mellor Álbum en galego dos Premios da Música Independiente.
• 2015: Muros bótase á risa e o humor con PahieCulo e Archivo Adxunto.