Dentro do completo programa de Nadal do Concello de Carnota, os pratos fortes volverán ser o mercado e a festa de fin de ano en Carnota. Ámbolos dous eventos terán lugar na praza San Gregorio baixo carpa.

Durante os días 28 e 29 de decembro terá lugar o mercado onde a veciñanza e visitantes poderán mercar distintos produtos de artesanía. O horario do mercado será de 11:00 a 14:30 e de 17:00 a 20:30.

Na xornada do sábado 28 contarán cas Pandereteiras de Quilmas e un obradoiro de Nadal e o domingo cas Pandereteiras da ESMU e o Carteiro Real.

E a noite de fin de ano terá lugar a gran festa coa orquestra Galilea, The Group e a discoteca móbil Chocolate.

Ao finalizar a festa os/as asistentes poderán tomar o tradicional chocolate con churros na mesma praza.