Van aparecendo xa as propostas municipais para este Nadal, que podedes seguir na nosa axenda de Nadal. O Concello de Carnota é un dos máis madrugadores e presenta unha programación cultural-lúdico-deportiva moi completa.

Programa

• 13 DECEMBRO: O agasallo de Farándula Velutina. Espectáculo de teatro para público adolescente e adulto dentro da programación cultural de outono NOITES ESPECTACULARES. Salón de actos do Concello de Carnota | 21:00 h.
• 12, 16 e 18 DECEMBRO: Microconcertos de piano, canto, percusión, guitarra e música tradicional da man do alumnado da Escola de Música Municipal. Aula de usos múltiples da ESMU, situada no andar -1 do Centro Cultural do Viso. A programación completa publicarase nas redes da ESMU.
• 21 DECEMBRO: Recepción de Papá Noel para a rapazada, no salón de actos do Concello de Carnota, ás 18:00 h.
• 23 DECEMBRO: O Apalpador e as palabras perdidas de A Xanela do Maxín. Espectáculo de teatro para público familiar, recomendado dende os 3 anos. Salón de actos do Concello de Carnota | 12:00 h.
• 26 DECEMBRO: Xogos deportivos con FER. Xornada de xogos deportivos e tradicionais para a rapazada de 6 a 14 anos. Pavillón de Lamas de Castelo | 11.00 h -13.00 h. A participación require INSCRICIÓN PREVIA no Departamento de Deportes do Concello de Carnota.
• 27 DECEMBRO: O Apalpador de Pulpiño Viascón. Espectáculo musical para público miúdo (recomendado de 0 a 4 anos). Salón de actos do Concello de Carnota | 12:00 h.
• 28 e 29 DECEMBRO: Mercado de Fin de Ano. Praza de San Gregorio (baixo carpa). Mercado con postos locais, de 11.00 h a 14.30 h e de 17.00 h a 20.30 h.
• Actuacións musicais a cargo das PANDEIRETEIRAS DA SOLAINA(ESMU CARNOTA), o día 28 ás 13.00 h, e das PANDERETEIRAS DE QUILMAS (CHAN DAS LAMAS), o día 29 ás 13.00 h.
• Obradoiro infantil de Nadal o día 28 ás 18.00 h.
• Recepción do Carteiro Real para a rapazada o día 29 ás 18.00 h.
• 29 DECEMBRO: I San Silvestre do Club O Jerreiro, nas modalidades de carreira e andaina. As persoas participantes deben acudir disfrazadas e ao remate haberá chocolate con churros para todas elas. Toda a información e inscricións en www.cronotec.es.
• 30 DECEMBRO: As aventuras e Mariña de Galeatro. Espectáculo de narración oral e teatro de monicreques  para público familiar (recomendado dende os 4 anos). Salón de actos do Concello de Carnota | 12:00 h.
• 31 DECEMBRO: Festa de Fin de Ano. Praza de San Gregorio (baixo carpa). A partir das 00.30 h (despois das uvas), festa rachada coa ORQUESTRA GALILEA e DJ na CABINA CHOCOLATE, ata o amencer. E de madrugada, poderás saborear o tradicional chocolate con churros!
• 02 XANEIRO: Xogos de Nadal. Xornada de xogos por equipos para a rapazada de 3 a 12 anos. Pavillón de Lamas de Castelo | 11.00 h - 13.00h.
• 03 XANEIRO: Canta música de Pablo Díaz.  Espectáculo musical para público infantil e familiar no Salón de actos do Concello de Carnota | 12:00 h.
• 05 XANEIRO: Ven dar unha volta en tren cos Reis Magos pola túa parroquia!  Un trenciño visitará as 5 parroquias de Carnota coas Súas Maxestades ao longo do día. A rapazada poderá subir e pasear cos Reis pola parroquia dentro do tren durante uns minutos. Terán tempo para falar con eles, recoller doces e saudar a familiares e veciñanza dende o tren. O tren dispón de 23 prazas e realizará as seguintes paradas: O PINDO (no Porto sobre as 11:00 h), SAN MAMEDE (no Campo do Viso sobre as 12.30 h), LARIÑO (no Centro Social Xosé de Torea sobre as 15:45 h), LIRA (diante da Casa do Mar sobre as 15.45 h) e CARNOTA (diante do Concello sobre as 18:00 h). AS HORAS SON APROXIMADAS.
  Festa con animación e discoteca móbil, a partir das 17.00 h, no Pavillón de Carnota. E ás 19:00 h, chegarán as Súas Maxestades, os Reis Magos de Oriente, para atender a todos os nenos e as nenas de Carnota, ata as 20.00 h.