• QPC: Como che cambiou a vida neste medio ano?

Imaxínate… Unha persoa que leva 30 na empresa privada… Si que é certo que levo máis de 25 anos de responsable da agrupación socialista, onde vexo que é o meu lugar pois son un sociademócrata convencido. Eu son son de bandeiras, para min o mundo é de todos. Pero vaia, que si que estiven de concelleiro no 99-2007, e estiven na oposición, pero nas primarias sempre que había un compañeiro que quería ir diante, eu axudáballe. E si, que cambia a cousa porque eu son máis de campo que de oficina, de estar aquí preso.

• QPC: 24 horas, 365 días, ademais…

Si… A min encatábame ir pola tarde coa miña nena, mentras ela ía a actividades eu tomaba unha caña e tiña a miña charla de taberna. Agora non podo facelo, porque metémonos en terreo de traballo. Agora de feito vou a Muros para poder falar de todo, menos de traballo. Antes, a partir das 16:00h nunca falabamos de rodaballlos….
Gústame moito desconectar, e aquí non desconectas nunca… e co whastapp aínda peor… Menos mal que me quitei das redes sociais, que parecía SalvameDeluxe…

• QPC: Como está sendo a relación coa oposición despois da tensa campaña?

Estamos na fase da postguerra. E esa é a peor fase, como na historia española. A guerra xa era a guerra, pero a postguerra era moi inxusta. A xente discriminábase polo que pensaban… é difícil de levar.
Eu creo que a xente quere que goberno e oposición se entendan, e leven o Concello a bo porto. Somos só 3 grupos, e temos que remar na mesma dirección. E deberíamos entendernos mellor, porque sempre o fixemos, como na lexislatura de 2011-2015 onde facilitámoslle o goberno. E xa non falo de 99-2007, onde o goberno BNG-PSOE traballábamos codo a codo, eramos un equipo, nin unha malla de avería en 8 anos. Había unha sintonía total. Agora cambiamos as persoas, pero deberíamos mirarnos adentro. Nun concello coma este, onde ademais eramos 3 novos candidatos, o papel da persoa que encabeza a lista é fundamental, e a xente vaite xulgar pola túa bagaxe na vida real, non pola túa valía política.

Ademais, aquí no concello temos 5 parroquias que son 5 realidades distintas, na cultura, mesmo no acento.

• QPC: Cando estarán listas as obras do Hórreo de Carnota?

Xa debeería estar rematado pero houbo retrasos pola chuvia. A restauración en castaño e tella debería estar para o 15 do mes que vén. O Arzebispado puxo o proxecto, a Xunta paga (teño que resaltar aí a labor de Ovidio Romero, Delegado da Xunta, que moveu o proxecto para que se ) e nós puxemos a licencia e axilizar a cousa co Arzebispado, que estaba absolutamente paralizado.

• QPC: Como van as negociacións con Costas tanto os proxectos das dúas sendas, o da unión entre O Pindo e o Ézaro ?

O proxecto do 2006 que une o Pindo co río Xallas, que se puxo no caixón pola crise, porque son 2 millóns de euros porque ten unha boa parte con senda voladiza. Costas díxonos que pode retomarse, pero agora ten que retomalo o novo Ministerio de Transición Ecolóxica, e imos aproveitar Pequeño e mais eu a viaxe a FITUR para falar con ela. Pero é que unir o Monte Pindo coa fervenza do Ézaro ten que ser un ABC.

• QPC: Hai solución á falta de mantemento das pasarelas de madeira do Pindo, Boca do Río ou Lira?

Rafael Eimil díxonos hai dous meses que ía mandar Tragsa para facer unha revisión. Estamos esperando.

• QPC: E o proxecto do Hotel do Faro de Lariño?

Pois sabemos que o promotor, Jesús Picallo, segue interesado, e precisamente esta semana, tamén nos reuniremos con Ana Oñol para darlle un empurrón.

• QPC: Que ides facer na Fitur, entón?

A contrarelloxo de La Vuelta será un antes e un despois para Carnota. Esas imaxes indo e volvendo pola praia de Carnota van impactar en 190 países, sendo ademais unha etapa decisoria. Que falta? Que haia un día soleado.
O pasado mes, na presentación oficial en Madrid, cando presentaron o vídeo dos trazados de todas as etapas, con 1.500 persoas sentadas. A única praia que se ve no trazado é a de Carnota, e cando saíu a 3D das vistas da praia, escoitouse un UAUUUUU incrible.

En todo caso, un evento coma este cómese rápido a Carnota e revirte en toda a comarca. Pero ollo, o 50% das vivendas de Carnota son de aluguer, é o concello con maior incidencia de España deste tipo de vivendas, e vai ser un bo impulso.

• QPC: Vaia dato… Pero claro, débese tamén a caída demográfica en Carnota nas últimas décadas é brutal, non?

A cascada en dúas décadas é tremenda. Agora parece que non estamos no peor momento, e temos 110 nenos de 0 a 6 anos, un dato que nos ilusionou moito. Pero ver o pico impresiona.

• QPC: Que se pode facer nun concello para reverter a crise demográfica?

O que estamos intentando. Revertirlle á promoción económica a través do turismo pola eiva das comunicacións. Que non chegue a Autovía a Cee, e que non teña variante e que a de Santiago caese no Freixo e non en Muros, provocounos un atraso tremendo. E foi por varias causas, sobre todo por falta de peso político.
Pero aquí estamos nun paraíso. E creo que as novas tecnoloxías van traer xente á esta zona.

O Concello ten que poñer en valor o espazo natural de Carnota. Carnota tense que convertir nun escaparate turístico, do coidado da natureza e da vida sostible. E temos que incidir na desestacionalización o turismo, e temos unha boa técnica, María Lago, para facer un traballo continuo apostando polo turismo sostible, consciente ou terapéutico. Só saír pasear na praia é algo terapéutico.

• QPC: A Mostra Mar de Mares, Contos do mar… Carnota estase convertendo nun centro neurálxico do patrimonio inmaterial vencellado ao mar.

O Festival Mar de Mares si, vai seguir adiante. Hai poco reunímonos coa Deputación, e esperamos que sigan apoiando este bo evento. O ano pasado colaboraron con 9.000, o doble que o primeiro ano, e o Concello puxo 4.000. E si, é un evento importante.

Contos do Mar é un proxecto moi xeitoso, onde o valor engadido é a xente real, e o valor turístico son as audioguías. Aí tamén o Concello (somos os de Carnota, Fisterra e Dumbría os promotores, co apoio do GALP) pon unha partida. En breve será a presentación oficial dos 3 concellos conxuntamente.

• QPC: Que hai do proxecto da Reserva dos Miñarzos? é algo do pasado?

Está no lugar no que a Xunta de Galicia quixo facer, no despropósito que quixo facer. O Concello non ten competencias. Se ti non fas vixilancia… É un título nobiliario, como os duques ou condes… cobran como nobles pero non fan nada. Se non apostas a cousa queda nunha feira.
Eu sei que é un custo moi importante ten vixilancia 365 días ao ano, pero a Xunta ten recursos, e podía ter por exemplo, unha lancha de salvamento no porto de Lira… Desaparecer non pode desaparecer.