Pasado, presente e futuro do Olimpo Celta no Simposium Monte Pindo
09:20 11/08/11
A Asociación Monte Pindo vai celebrar o vindeiro sábado, 20 de agosto de 2011, o I Simposium Monte Pindo, un evento que se desenvolverá no colexio do Pindo, e que non vai optar polas actividades de carácter natural que tradicionalmente se realizan en torno a esta marabilla natural, senón que será un punto de encontró de toda a sociedade para avaliar o pasado, presente e futuro do Olimpo Celta.
Para iso, contarán coa axuda dunha serie de representantes dos colectivos veciñal, profesional e científico, especializados nas diversas ramas do saber, coa intención de comprender o verdadeiro significado e importancia do Monte Pindo.
O principal obxectivo do Simposium Monte Pindo é a análise crítica dos retos e ameazas do Olimpo Celta, tendo en conta as necesidades ou as posibilidades de desenvolvemento.
Inscrición
Xa está aberto o prazo de inscrición. É gratuita e pódese facer premendo aquí.
A intención da Asociación Monte Pindo Parque Natural é que a actividade sexa un evento anual de referenza para os amantes e estudosos do Monte Pindo.
Programa
Deixamos aquí o programa da actividade.
- 10:00h Inauguración con Xilberto Caamaño Beiro, presidente da Asociación Monte Pindo Paque Natural.
- 10:30h Exposición fotográfica de Maribel Longueira.
- 11:00h Recital poético con Xoan Lestón.
- 12:00h Ponencia da man de Juan Ramón Vidal Romaní, xeólogo e director do Instituto Universario de Xeoloxía Isidro Parga Pondal.
- 13:00h Presentación do libro “Máxico tear natural”, de Xosé Manuel Lobato, doutor en Filosofía e Ciencias da Educación.
- 17:00h Ponencia con Martiño Fiz López Lindoso, biólogo e relator da iniciativa do Parque Natural Monte Pindo, e Fins Eirexas, xeólogo e secretario executivo de ADEGA.
- 18:00h Ponencia con Francisco Xosé Fernández Naval, escritor.
- 19:00h Debate aberto sobre o Monte Pindo.
- 20:00h Saúda con Ramón Noceda, alcalde de Carnota.
- 20:15h Clausura con Mario Maceiras Dosil, secretario da Asociación Monte Pindo Parque Natural.
Novas relacionadas
- O Monte Pindo, nun concurso para escoller marabillas naturais.
- O Monte Pindo recibe apoios dende A Coruña.
- O Albariño Valtea promociónase cunha imaxe do Olimpo Celta.
- O Monte Pindo desfrutou dun Encontro con historia, música, gastronomía e deporte.
- O carballo anano do Monte Pindo entra no Catálogo Galego de Especies Ameazadas.
- O carballo anano do Pindo declarado “especie amenazada vulnerable” .
Fonte
- Nota de prensa da Asociación Monte Pindo Parque Natural.