Un achádego histórico no Monte Pindo
09:50 19/08/11
A Asociación Monte Pindo Parque Natural non para de traballar e mimar ao Olimpo Celta. E o traballo dá os seus froitos.
Segundo informan, o traballo de campo de carácter voluntario dos seus socios desembocou nas últimas semanas nun sorprendente achádego, que xerará información moi valiosa sobre a historia duns dos macizos graníticos máis singulares da orografía galega.
Este sábado, 20 de agosto, e dentro do I Simposium Monte Pindo, o presidente da Asociación, Xilberto Caamaño, desvelará un achádego sen precedentes. Será na intervención inaugural, ás 10:00h da mañá.
Nada mellor que asistir á cita para estar ao tanto das novidades no Olimpo Celta. A asistencia é gratuita, e quen o deséese aínda está a tempo de anotarse no xantar da xornada. Para elo hai que inscribirse e ingresar o custe da comida, que ascende aos 15 euros. Para depositar os cartos, hai que dirixirse á conta da Asociación con data límite neste venres, 19 de agosto. Pódese obter máis información nos medios que están habilitados, que son un enderezo electrónico, [email protected] e un teléfono, 667 393 173.
Programa
Lembramos o programa da actividade.
- 10:00h Inauguración con Xilberto Caamaño Beiro, presidente da Asociación Monte Pindo Parque Natural.
- 10:30h Exposición fotográfica de Maribel Longueira.
- 11:00h Recital poético con Xoan Lestón.
- 12:00h Ponencia da man de Juan Ramón Vidal Romaní, xeólogo e director do Instituto Universario de Xeoloxía Isidro Parga Pondal.
- 13:00h Presentación do libro “Máxico tear natural”, de Xosé Manuel Lobato, doutor en Filosofía e Ciencias da Educación.
- 17:00h Ponencia con Martiño Fiz López Lindoso, biólogo e relator da iniciativa do Parque Natural Monte Pindo, e Fins Eirexas, xeólogo e secretario executivo de ADEGA.
- 18:00h Ponencia con Francisco Xosé Fernández Naval, escritor.
- 19:00h Debate aberto sobre o Monte Pindo.
- 20:00h Saúda con Ramón Noceda, alcalde de Carnota.
- 20:15h Clausura con Mario Maceiras Dosil, secretario da Asociación Monte Pindo Parque Natural.
Novas relacionadas
- Pasado, presente e futuro do Olimpo Celta no Simposium Monte Pindo.
- O Monte Pindo, nun concurso para escoller marabillas naturais.
- O Monte Pindo recibe apoios dende A Coruña.
- O Albariño Valtea promociónase cunha imaxe do Olimpo Celta.
- O Monte Pindo desfrutou dun Encontro con historia, música, gastronomía e deporte.
- O carballo anano do Monte Pindo entra no Catálogo Galego de Especies Ameazadas.
- O carballo anano do Pindo declarado “especie amenazada vulnerable” .
Fonte
- Nota de prensa da Asociación Monte Pindo Parque Natural.