Así se conclúe da nota que nos envía o Departamento de Cultura do Concello de Cee, sobre os prazos para a matricula do curso 2014-15 nas escolas de música e teatro municipais. I é que as solicitudes de matrícula marchan a bo ritmo e no caso da Escola de Música xa hai preto de cen inscritos, que xa preparan os instrumentos.

O caso é que as clases darán comenzo a partir do luns 6 de outubro no edificio da Escola de Música na Praza da Constitución xa que, aínda que as instalacións da Casa de Cultura están practicamente rematadas, a empresa concesionaria encargada das clases, a sociedade cooperativa Sons da Costa e o concello de Cee, acordaron que así fose neste primeiro trimestre. Con elo preténdese non entorpecer a planificación e organización do curso que está a piques de comenzar así como o correcto desenvolvemento da actividade diaria docente.

Así, para non interferir na mesma, aproveitarase o parón das vacacións do nadal para poder realizar o traslado de todo o mobiliario e material docente ás novas instalacións da Casa de Cultura.

Pola súa parte, a Escola de Teatro, que dirixen Artur Trillo e Toño Casais, iniciará as súas actividades, no salón de actos da casa do concello, tamén o luns 6 de outubro coas clases para os grupos de adultos, mentra que no caso dos máis cativos o comezo está previsto para o martes 7.

Nova a nova

• 14-08-14: “Espero que nuns meses poidamos gozar da Casa da Cultura de Cee”.
• 07-07-14: 348 butacas para a casa da cultura de Cee.
• 05-11-13: Ogando realizará as obras da posta en funcionamento da Casa da Cultura de Cee.
• A Operación Orquesta por Concellos (IV): Cee.
• 26-03-13: A Casa da Cultura de Cee abrirá a medias.
• 15-02-13: O último impulso á Casa da Cultura de Cee?.
• 31-08-11: Repaso ao sumario da Operación Orquesta (VII): Falseando a Casa da Cultura.
• 25-03-11: A Casa da Cultura de Cee abre por fin as súas portas.
• 07-09-10: Última partida para a Casa da Cultura de Cee.
• 13-01-2009: Cee emprega o Fondo Estatal na Casa da Cultura e nas parroquias.
• 30-09-08: O Ministerio dá un novo impulso á Casa da Cultura de Cee.
• 18-08-07: A Casa da Cultura de Cee rematarase no 2009.
• 12-09-07: A Deputación axudará para a finalización da Casa da Cultura de Cee.

Fonte

• Redacción de QPC ([email protected]).