Vertebrar a Costa a través da nosa cultura tamén é importante. Pois que os alumnos de Ponteceso poidan achegarse a Cee a disfrutar dos Tesouros da Fundación Fernando Blanco de Lema é riqueza cultural e fai comunidade.

Así, na mañá do xoves 31 de maio, dous grupos de alumnos e mestres de 3º e 4º de Primaria do CEIP. Eduardo Pondal de Ponteceso visitaron o Museo da Fundación. Foron un total de 60 rapaces e 4 mestres, os cales visitaron o Museo divididos en 2 grupos de 30 alumnos cada un.

Ao igual que o resto de grupos que concertan a súa visita, percorreron o Museo da man do seu coordinador, Darío Areas coñecendo de primeira man a biografía do fundador, a historia do que foi un dos máis antigos institutos de Galicia, ollando as pezas expostas que forman parte do rico patrimonio da Fundación.

Remataron a visita coñecendo o xardín botánico do centro e a súa fermosa capela, unha das poucas partes que se conservan prácticamente no seu estado orixinal.
Visitaron tamén, ademáis do Museo Fernando Blanco, o Museo Seo de Corcubión, para despois parar a comer no Ézaro, onde pola tarde visitarían o Museo da Electricidade.

Visita dende Salceda de Caselas

Pero vai máis alá o mito do Museo. A comezos de mes, o luns 7 de maio, foi un grupo de alumnos e mestres do IES Pedras Rubias de Salceda de Caselas os que visitaron o Museo.
Foron un total de 56 rapaces de 3º da ESO e 3 mestres, os cales viñeron pasar unha xornada de convivencia con alumnos do IES Fernando Blanco.

Tesouros da Fundación

• Outros Tesouros da Fundación.
• Presentación.

Novas relacionadas

• Novedosas becas da Fundación e o IES Fernando Blanco.
• Máis escolares de Cee que coñecen o seu pasado.
• Un museo para 125 anos máis.

Artigos sobre Fernando Blanco de Lema

• Fernando Blanco de Lema, por Darío Areas (I).
• Fernando Blanco de Lema, por Darío Areas (II) – O testamento.
• Fernando Blanco de Lema, por Darío Areas (III) – O traslado dos restos mortais a Cee.
• Fernando Blanco de Lema, por Darío Areas (IV) – Problemas á hora de cumprir as últimas vontades do fundador.
• Fernando Blanco de Lema, por Darío Areas (V) – 125 anos de historia educativa no Instituto Fernando Blanco.
• A Guerra da Independencia na vida de Fernando Blanco de Lema.

Outros artigos de Darío Areas

• Cee e a súa tradición teatral.

Máis información

Para unha información máis detallada sobre a figura de Fernando Blanco de Lema e da historia do Instituto da Fundación e da antiga Escola de Nenas, así como tamén do Museo, podedes visitarnos na Praza da Constitución, nº 25 de Cee, ou na web: www.museofernandoblanco.org.

Fonte

• Redacción de QPC ([email protected]).