Asisitentes ao Foro do Camiño de El Correo Gallego

A necesidade de manter a unión foi precisamente a conclusión máis importante do Foro Foro Camiño de Santiago Fisterra-Muxía, organizado polo Correo Gallego o pasado venres na Casa da Cultura de Cee. Un Foro, armado pensado para a divulgación e a posta en valor do "NOSO" Camiño.

A necesidade desa unión e cooperación do sector hostaleiro, do sector político e da sociedade costeira, foi a conclusión na que todos os poñentes e asistentes fixeron máis ficanpé para seguir mellorando esta prolongación xacobea.

Mesa de Alcaldes no Foro de El Correo Gallego sobre O Camiño

Pasaron polas mesas do Foro unhas 80 persoas, entre elas o xerente do Xacobeo, Rafael Sánchez; o deputado provincial, José Manuel Pequeño; os 9 alcaldes da Ruta (Ames, Negreira, Santa Comba, Mazaricos, Dumbría, Cee, Corcubión, Fisterra e Muxía); presidentes e representantes das patronais Solpor, APCTM, Neria, Fecom e Gremio de Hospedaxe de Compostela e Camiños de Santiago; hosteleiros do Camiño, hospitaleiros, técnicos en turismo e desenvolvemento local, entre outros.

Máis conclusións

Mesa de especialistas no Foro do Camiño de El Correo Gallego

Houbo moitas ideas interesantes, sobre todo as que sacaron os especialistas:

• O xerente do Xacobeo abogou pola creación dunha Mesa deste Camiño (xa a hai no Portugués), con todos os sectores e administracións implicados), que se reuniría cada tres dous-tres meses.
• Antón Pombo, presidente de Solpor, abogou pola delimitación oficial e a declración de Patrimonio da Humanidade pola Unesco deste Camiño.
• Todos coinciden na necesidade dun Plan de sinalización da Deputación.
• Tratar de evitar os erros doutras rutas, como a masificación do Francés.
• Solicitar a subsanación das actuais deficiencias do transporte público na zona.
• Eliminar o asfalto no Camiño (un 60% está asfaltado).

Novas relacionadas

• Un libro do CSIC analiza a patrimonialización do Camiño de Santiago a Fisterra e Muxía.
• Solpor pide ao Xacobeo acabar cos establecimentos irregulares no Camiño de Fisterra-Muxía
• Os navegantes tamén queren facer o Camiño Muxía-Fisterra.
• Da NBA á fin do mundo facendo o Camiño.
• Nace Solpor, unha Asociación de Profesionais para unir o Camiño de Santiago a Fisterra e Muxía

Fonte

• Redacción QPC (info@quepasanacosta.gal)
• CSIC-Galicia