Parece que finalmente a Xunta si que tomou en consideración a petición da Plataforma en Defensa do Castelo de Ameixenda no Valedor do Pobo para reabrir ao público o Castelo de Ameixenda, como obriga a lei ao ser un Ben de Interese Cultural. A pesar dos 3 meses de silencio administrativo, a Xunta notifcoulle finalmente a Valedora os últimos movementos, e esta llos remitiu aos denunciantes, Pablo Álvarez da Plataforma en Defensa do Castelo do Príncipe e o voceiro do BNG de Cee Serxio Domínguez.

A Xunta envioulle un escrito ao propietario o 30 de novembro requirindolle que cumpra a lei e que abra ao público. O propietario respondía que habúa unha serie de riscos polos que non se pode abrir de forma momentánea a público.

Agora o que parece estar a facer a Xunta é valorar o informe de riscos e estudialo ben, e vai proceder a facer unha inspección ao Castelo para comprobar a existencia deses riscos. E se hai riscos, comprobar se non son provocados polo incumprimento do deber de manter en boas condicións o castelo, de preservalo BIC.

A partir da inspección a Xunta ten o prazo dun mes para explicar que se vai facer para que se poida proceder á esa apertura que pemitirá recuperar eses beneficios turísticos, económicos, culturais e históricos, que demanda a plataforma.

Mentres, o edificio segue en venda a través da plataforma Idealista, na que se piden 6 millóns de euros.

Visita do BNG Nacional

Ese venres ás 17:15 a deputada do BNG Olaia Rodil estará cos membros do BNG local e a Platafoma na porta do castelo de Ameixenda. Ao remate irán ate Fisterra.

Artigos de Víctor Castiñeira sobre o Castelo do Príncipe

• Castelo do Príncipe (IV): A lexislación
• Castelo do Príncipe (I): A defensa marítima.
• Castelo do Príncipe (II): O contexto da construción do Castelo e das outras fortalezas defensivas das nosas costas.
• Castelo do Príncipe (III): O castelo na actualidade.

Novas relacionadas

• Febreiro 18: A Xunta ignora as peticións da Valedora do Pobo e non entrega a documentación sobre o Castelo do Príncipe.
• Novembro 17: BNG e Plataforma en Defensa do Castelo do Príncipe levan a apertura do BIC á Valedora do Pobo.
• Setembro 2017: O caso do Pazo de Meirás aumenta a expectación sobre a apertura do Castelo de Ameixenda.
• Maio 2017: Recollen máis sinaturas para a apertura do Castelo de Ameixenda.
• Abril 17: O BNG de Cee pide que se abra ao público o castelo de Ameixenda.
• Marzo 2017: Víctor Castiñeira debullou a historia do Castelo do Príncipe.
• Novembro 2016: Unha viaxe histórica pola época medieval con Víctor Castiñeira.
• Outubro 2016: A loita polo Castelo do Príncipe continúa na rede
• Setembro 2016: Abren unha campaña de firmas para pedir que o castelo da Ameixenda sexa público.
• 2013: Esixen, unha vez máis, a apertura conforme á lei do Castelo de Ameixenda
• 2009: Denuncia pola apertura do Castelo do Príncipe.

• Redacción QPC ([email protected])