Martes. 12.11.2019
El tiempo

Alumnado e profesorado aprenden a usar a realidade virtual nas aulas con José Dulac

José Dulac impartiu un curso de realidade virtual en Cee
José Dulac impartiu un curso de realidade virtual en Cee
Alumnado e profesorado aprenden a usar a realidade virtual nas aulas con José Dulac

Máis que interesante a visita que José Dulac realizou onte a Cee da man do CFR da Coruña - centro colaborador de Vimianzo. Dulac é un dos grandes referentes en España en tecnoloxías educativas e a súa aplicación nas aulas, ademais de ser un dos maiores expertos en realidade virtual e aumentada que hai no pais. E así o comprobou o alumnado da ESO do IES Fernando Blanco así como o profesorado do mesmo centro e do veciño Agra Raíces.

José Dulac con Serxio Dominguez no IES Fernando Blanco 960
José Dulac co mestre Serxio Iglesias no IES Fernando Blanco

Dulac impartiu un obradoiro STEAM (Science, Tecnology, Engineering, Arts e Maths) aproveitando a figura de Leonardo da Vinci para introducir a rapazada no mundo da ciencia e a enxeñaría e o gusto pola investigación a través de ologramas, imaxes 3D, drons e robots. “Os rapaces estaban emocionados facendo que voara o parafuso voador de Leonardo ou conseguindo construir unha ponte de madeira con uns cuantos paus”, cóntanos un dos organizadores, Pedro Lado.

Pola contra no obradoiro para o profesorado, centrouse máis na didáctica e metodoloxías máis axeitadas para o uso da tecnoloxía na aula e como sacarlle o máximo proveito. Ademais fixo especial fincapé no uso da realidade virtual e aumentada. Ao igual que os rapaces, o profesorado quedou encantado e xa está pensando en aplicar na aula algunhas das técnicas comentadas no obradoiro.

Dulac tamén está a impartir un curso sobre "realidade aumentada e realidade virtual aplicada ao ensino" no centro colaborador do CFR Coruña en Vimianzo.

José Dulac no IES Fernando Blanco

Novas de formación do profesorado

Comentarios