A tenda Stoupa, o o punto de encontro da artesanía e a cultura da Costa da Morte, acolle unha nova exposición, desta vez da man do pintor Fernando Rei, que inundou a galería ceense de mar e salitre; e a cal será inaugurada o martes 1 de maio nunha nova sesión vermú, coa que esperan repetir o éxito da anterior. O profesor e escritor muradán Carlos Regueira será o encargado de abrir a presentación, que comezará ás 12h. e terá un formato moi dinámico.

Detrás da paixón pola pintura de Fernando Rei (Muros) existe unha técnica formada a base de moita investigación e de viaxar. Atrévese coa acuarela, o acrílico, óleo ou pastel, e sen dúbida un dos valores engadidos dos seus cadros é a súa pintura artesanal, feita por el mesmo a base de látex, minerais e pigmentos. Rei estudou e plasmou de forma marabillosa os movementos das mariscadoras faenando, a súa labor en equipo nos areais, a dureza do seu traballo a través das cores das súas roupas de auga que funcionan como códigos de localización no mar.

“Mariscadoras da Misela” está composta por 18 cadros de diferentes formatos, ademais de varias obras máis pequenas que lle dan un toque especial.. Con estas obras o autor pretende visibilizar a labor das mariscadoras: o seu esforzo, o seu duro traballo; así coma diluír o estigma social que sempre acompañou a estas traballadoras, coma o da pobreza.

A mostra poderá visitarse de luns a sábado de 12h a 14h e de 17h a 21h.

Creadores da Costa da Morte en Stoupa

• As sesións vermús xa non só son a golpe de pasodoble.
• Stoupa, o punto de encontro da artesanía e a cultura da Costa da Morte.
• Stoupa envólvese de feminidade ca arte xapo-muxiá de Yano Yoro.
• O muradán Roque Rey enche de cor Stoupa coa súa mostra “A Praia”.
• Os barquiños de Mimadriña xa navegan por Stoupa.
• Nando Lestón expón as súas creacións en Stoupa.
• Marcos Rodríguez expón as súas fotografías premiadas en Stoupa
• Este Nadal, regala Stoupidos de arte da Costa da Morte.
• 12 meses facendo estoupar a arte da Costa da Morte
• Xoanxo Cespón trae a súa visión “Costa da Morte” a súa casa.
• As Redeiras de Corme, artistas en Cee.
• A deseñadora ceense Jesica Coiradas expón a súa colección de roupa en Stoupa.
• A arte de Viki Rivadulla está que Stoupa.
• Stoupa, o novo centro da cultura e artesanía da Costa da Morte
• Un estoupido de cultura para a Costa da Morte.

Fonte

• Redacción de QPC (info@quepasanacosta.com).
• Stoupa.