Unha muller, de 54 anos, faleceu na praia de Lires en Cee tras ser rescatada da auga, segundo informaron desde o 112 e Urxencias Sanitarias 061. Trátase dunha muller francesa con familia da zona.

Sobre as 15.30 horas, o servizo de emerxencias recibía o aviso dun particular que alertaba dunha muller dentro da auga que se atopaba en apertos.

Finalmente, sacárona do mar en estado inconsciente, aínda que faleceu, segundo ratificaron desde o 061, que se trasladou ao lugar. Tamén foron alertados Protección Civil, Garda Civil e Salvamento Marítimo, entre outros efectivos.