Mércores. 08.12.2021
El tiempo

As familias de Cee aprenderon as bondades do mindfulness

Mindfullness en Cee
As familias de Cee aprenderon as bondades do mindfulness

Continúa moi activo o Programa “Outubro da Fundación”, da man da Fundación Fernando Blanco. Este pasado sábado tocaba charla sobre "Mindfulness e regulación emocional”, da man de dous profesionais como Belén Montesa e Juan Carlos Permuy.

Montesa é unha Psicóloga Xeral Sanitaria cun Máster en Sexoloxía pola Universidade de Alcalá de Henares e Máster en Terapia Familiar Sistémica pola Escola Vasco Navarra de Terapia Familiar. Ademais é Experta en drogodependencias pola Universidade Complutense de Madrid e specialista en psicoterapia de grupos e grupos multifamiliares. Pola súa parte, Permuy é psicólogo e Educador Social, instrutor de Mindfulness avalado pola Universidade de Zaragoza, e tamén xperto en drogodependencias pola Universidade Complutense de Madrid.

Durante a conferencia fixeron fincapé na “capacidade de regular os estados emocionais” como un “aspecto esencial da educación integral das personas ao posibilitar o benestar persoal, a socialización e o logro laboral ou académico”, entre outros beneficios.

Definiron precisamente esa “regulación emocional defínese como o conxunto de procesos a través dos cales influimos nas emocións que temos, cando as temos e como as experimentamos e expresamos”. E aí aparece o mindfulness, esa práctica que permite “prestar atención dun xeito determinado: de forma deliberada, no momento presente e sen xuzgar”. Neste sentido, o entrenamento en mindfulness mostrou ser eficaz na mellora das habilidades de Regulación Emocional.

Na conferencia amosáronse algúns principios desta práctica co fin de incentivala curiosidade pola mesma.

Vindeira cita

Sabela Gago no mes da Fundacion
WhatsApp Image 2021-10-18 at 12.27.25(2)WhatsApp Image 2021-10-18 at 12.27.25(1)WhatsApp Image 2021-10-18 at 12.27.25

Novas relacionadas

comentarios