A Praza 8 de marzo de Cee foi un dos numerosos lugares en toda Galicia que acollía esta pasada tarde de mércores 21 de abril unha concentración pola Recuperación da Sanidade Pública. Convocadas en Galicia pola Plataforma de SOS Sanidade Pública, e coordinada na comarca pola Plataforma Pediatras e Matronas en Galicia Xa!, foi unha nova concentración para esixir que paren os recortes na materia.

As familias presentes repartiron a letra e cantaron o himno que acaban de estrear, e en clave festiva lembraron os puntos fundamentais da mobilización:

• Normalizar os centros de saude e garantir a asistencia presencial.
• Plan para afrontar as listas de agarda acumuladas.
• Información transparente e acceso universal ás vacinas covid.
• Incrementar o persoal e rematar coa súa precariedade e inestabilidade.
• Rexeitar a reforma da lei Galega de Saúde que recorta as liberdades cívicas.

Novas relacionadas

• Abril 2021: Un himno na loita por un servizo de pediatría digno.
• Marzo 2021: Xarda analiza a crúa realidade da sanidade pública con voces costeiras.
• Novembro 2020: Milleiros de persoas clamaron nas redes a necesidade de máis pediatras e matronas.
• Familias da Costa da Morte lideran unha Plataforma para esixir pediratras e matronas en todo o rural galego.
• DirectosQPC sobre o SERGAS: As principais campañas sobre hábitos saudables en anuncios de refrescos ou galletas”.
• Outubro 2020: 17 anos de promesas pero Fisterra segue sen novo Centro de Saúde
• Outubro 2020: Carnota mobilízase para recuperar o seu servizo de pediatría.
• Setembro 2020: As profesionais do Servizo de Atención Primaria de Vimianzo describen a súa precaria situación.
• Febreiro 2020: Manifestación comarcal en Cee contra os recortes en pediatría: “Somos familias aos que se nos está negando o dereito a unha sanidade pública digna”.