Fin de semana verde o que se viviu na comarca arredor das accións solidarias polo Día Mundial contra o Cancro da man da Xuntas Locais da AECC, co obxectivo de reforzar a sensibilización e o apoio ás persoas afectadas pola enfermidade. Por un lado a campaña “A Compra da Túa Vida” estivo moi presente en varios supermercados, e polo outro, o deporte local volveu amosar o seu apoio e compromiso, como xa fixera hai unhas semanas.

Durante a fin de semana, os equipos Cee, Corcubión, Dumbría, Corme, Ponteceso, Coristanco... luciron brazaletes verdes nos seus encontros como mostra de apoio á causa, e botaron uha foto coas responsables das xuntas locais.

“A Compra da Túa Vida”, campaña activa ata o 15 de febreiro

Así mesmo, do 6 ao 15 de febreiro, a campaña “A Compra da Túa Vida” permanece activa nos establecementos adheridos —nesta zona, os supermercados Gadis—, onde calquera persoa pode realizar un donativo directamente na caixa. O voluntariado da Xunta Local seguirá presente durante estes días, informando á cidadanía e animando a participar na iniciativa.

Os fondos recadados destínanse integramente a programas de apoio a pacientes e familiares e a proxectos de investigación impulsados pola AECC.