A autora e ilustradora da Costa da Morte Laura Suárez, acaba de publicar o seu novo libro Monster Support Group: The Werewolf’s Tale”. É o primeiro libro dunha serie na que se revelan os segredos destes coñecidos monstros.

A autora ceense, despois de percorrer o Olimpo Celta, dá a volta ao mundo traballando cunha das mellores editoriais de libros infantís a nivel mundial: “Flying Eye Books”. Esta editorial é o selo infantil da galardonada editorial visual Nobrow, e lanza esta serie para ser distribuída tanto por Europa coma en Estados Unidos na lingua inglesa.

Nesta primeira entrega, que vai dirixida a nen@s de entre 5 e 7 anos, a personaxe principal é un neno lobo como o seu propio titulo o indica. A través deste protagonista, enviáselles aos cativ@s unha mensaxe de aceptación e de quererse a un mesmo.