Precisamente esta semana Xosé María Lema nos falaba dos haikus de Miro Villar. E hoxe sabemos que o seu poemario Breizh, editado por Toxosoutos, figura na listaxe de libros finalistas dos Premios da Edición 2012, en concreto na categoría Premio Ánxel Casal ao Libro de Poesía ou Teatro.

Xa hai tempo que repasabamos 7 dos haikus do libro dende o outro Finisterrae, cando este libro estaba en proceso de creación. Un libro que recolle paisaxes, imaxes, momentos... dunha viaxe á Bretaña Francesa. I é que precisamente os haikus, a forma poética máis típica no Xapón, simbolizan eses detalles de natureza, sen máis trampa que o que poidan dicir os 3 versos de 5, 7 e 5 sílabas.

Hoxe xa está na rúa e segue dando que falar. Emisoras e xornais de todo o país falan con el estes dáis para coñecer un pouco o por que desta proposta. E para os que queiran seguir máis de preto os pasos do poeta ceense, fáganse siareiro dun dos mellores blogues do país: As Crebas.

Máis información

• A bitácora da semana (CXLIV): As Crebas de Miro Villar.

Novas relacionadas

• Xosé María Lema Suárez: Os haikus de Miro Villar.
• 7 haikus dende o outro Finisterrae con Miro Villar.
• As Crebas de Miro Villar premiado como o Mellor Blogue Literario pola AELG.
• Miro Villar rebélase na charca da poesía para nenos.
• Muxía respostou na presentación de As Crebas.
• A Feira do Libro de Cee en 1988, segundo Miro Villar./li>
• Miro Villar: Estranxeiro na súa patria.

Fonte

• Redacción de QPC ([email protected]).