Xoves. 28.03.2024
El tiempo

“Pois si que tiñan gañas de saír, tanto a xente como os cogumelos”

“Pois si que tiñan gañas de saír, tanto a xente como os cogumelos”
Jose Maria Costa dando unha visita guiada nas Xornadas Micoloxicas Costa da Morte-Foto-Rafa Quintans Jose Maria Costa dando unha visita guiada nas Xornadas Micolóxicas Costa da Morte-Foto-Rafa Quintans Jose Maria Costa nas Xornadas Micoloxicas Costa da Morte-Foto-Rafa Quintans Jose Maria Costa nas Xornadas Micoloxicas Costa da Morte-Foto-Rafa Quintans

Parece que chegou a tempo a chuvia e deixou o monte regado de cogumelos. Alomenos así o entendemos ao ver a exposición que armou a Asociación Pan de Raposo no marco das XVIII Xornadas Micolóxicas da Costa da Morte, que volveu encher con máis de 200 especies de cogumelos a Casa da Cultura de Cee.

Non conseguíe o cambio climático retrasar a data das xornadas máis importantes da comarca, que seguen sendo unha auténtica referencia en toda a provincia, como o demostrou o goteo conxunto de xente, con grandes picos arredo das charlas ou das visitas guiadas á exposición. É difícil valorar a cantidade de xente que puido ter entrado ao longo da fin de semana, pero dende a entidade consideran que puideron ser máis de 1.500.

Unha sorpresa na exposición

A exposición, sobre todo cando se desenvolvían as visitas guiadas de José Castro Marcote e Manuel Pose Carracedo, estaba ateigada. Ata o domingo pola tarde, a conferencia de Marcote, moi especializada, tivo unha gran acollida, polo que parece que a xente tiña gañas de saír de casa a pesar do temporal.

E afortunados foton os que se atreveron a visitar a exposición, pois había moito cogumelo grande, deses que “sempre gusta a xente”. Este ano, a estrella foi unha amanita cesárea de medio quilo… Aí é nada.

Amanita Cesarea de medio quilo estrella das Xornadas Micoloxicas Costa da Morte-Foto-Rafa Quintans A Amanita Cesarea de medio quilo, estrella das Xornadas Micoloxicas Costa da Morte-Foto-Rafa Quintans

”Está sendo un ano moi raro nas setas”

Castro Marcote nas Xornadas Micoloxicas Costa da Morte-Foto-Rafa Quintans José Castro Marcote nas Xornadas Micoloxicas Costa da Morte-Foto-Rafa Quintans

O propio Marco recoñece que “está sendo un ano moi raro”. Este ano, ademais dos habituais Jose Marcote, Chemi Traba, José María Costa, Manolo Pose e Roberto Montes, e ao ver que o tempo non acompañada demasiado, saíron durante a semana pasada ao monte varias persoas máis para apañar cogumelos. Conseguir conseguiron unha manchea de especies, pero hai cousas que sorprenden aos responsables.

”O outro día estivemos de 8:00h a 19:00h, e en cada un dos 50 sitios que paramos habia Boletus. Porén non vimos nin un só cantarelus, cando tiña que ser do revés, porque son moi típicas desta época, e tiñan que estar dende hai case un mes”, valora Marcote. “É curioso, porque haber non había moitas, pero si que dalgunha especie había moitas, e doutras non había ningunha. A ver se agora se normaliza con esta chegada xa dun clima máis normal desta época do ano, pero o caso é que aínda temos moito que aprender aínda das necesidadas climáticas das setas”, valora con humildade unha das maiores eminencias na materia do país.

Da cociña aos libros

Chemi Traba no microscopio nas Xornadas Micoloxicas Costa da Morte-Foto-Rafa Quintans Chemi Traba no microscopio nas Xornadas Micoloxicas Costa da Morte-Foto-Rafa Quintans

Outra das actividades que sempre triunfa é a máis gastronómica. A noite do sábado consta dun taller de cociña e dunha degustación no Larry, citas para as que piden unha previa inscrición porque saben que a xente sempre se apunta.

Pero dende Pan de Raposo van máis alá e por iso armaron o taller de microscopio en vivo como “forma de enganchar á xente para que salte da cociña aos libros, porque se lles gusta o que ven teñen que estudar algo”. Chemi Costa e Marcote comprobaron como o microscopio “hama moito á tención da xente, porque se ven unhas formas que non te imaxinas que poidan existir aí dentro”.

Agora, esta pequena pero grandísima asociación, que non ten subvencións nin as pide, xa pensa na cita do vindeiro ano, mentres comeza a disfrutar da súa época favorita do ano.

Os coles tamén colaboraron nas Xornadas-Fotos-Rafa Quintáns 200 especies de cogumelos na exposicion das Xornadas Micoloxicas Costa da Morte-Foto-Rafa Quintans 200 especies de cogumelos na exposicion das Xornadas Micoloxicas Costa da Morte-Foto-Rafa Quintans Pequenos tesouros nas Xornadas Micoloxicas Costa da Morte-Foto-Rafa Quintans Pequenos tesouros nas Xornadas Micoloxicas Costa da Morte-Foto-Rafa Quintans  

Novas relacionadas

https://quepasanacosta.gal/como-sigamos-asi-imos-ter-que-retrasar-por-mor-do-cambio-climatico-as-datas-das-xornadas-micoloxicas/ “Marcote: “As chuvias chegaron tarde para nós, pero aínda así salvamos os mobles con 130 especies”” — Que pasa na costa

Outras novas micolóxicas

Xornadas Micolóxicas de Cee

Artigos de Castro Marcote

   

Fonte

Comentarios